Forseti Íslands afhenti verðlaunin 7. nóv. sl. og tóku fulltrúar Starfsmenntar og Félags sýslumanna við viðurkenningunni. Verðlaunin voru veitt við hátíðlega athöfn og hlaut Samskip hf. verðlaun í flokki fyrirtækja við sama tækifæri. Viðurkenningin er sérstaklega gleðileg þar sem Starfsmennt og Járnsíða hafa átt langt og gott samstarf, allt frá árinu 2003, þar sem þróun þjónustunnar og nýjungar hafa fengið að blómstra.