Stundaskrá fyrir nám í september
Námsvísir

Starfsnám stuðningsfulltrúa hefst 6. september 2010, kl. 8:30 til 12:00, kennt verður aðra hverja viku.

Um er að ræða framúrskarandi námsleið fyrir starfandi stuðningsfulltrúa. Lögð er áhersla á styrkingu starfsmanna, faglega vitund, aukna þekkingu og vaxandi hæfni.

Ef þú ert starfandi stuðningsfulltrúi þá er þetta námskeið fyrir þig!!

Athygli er vakin á því að greiðandi þátttakendur eiga rétta á stuðningi frá starfsmenntunarsjóðum sinna stéttarfélaga.

Markmiðið með náminu, sem er 160 tímar, er að auka þekkingu og færni þeirra starfsmanna sem starfa í þjónustu við fatlað fólk á Íslandi. Með því er stuðlað að auknum lífsgæðum fatlaðra á sviði líkamlegrar, efnislegrar, félagslegrar og tilfinningalegrar vellíðunar, sem leitt getur af sér virkari þátttöku þeirra í samfélaginu. Með þetta markmið að leiðarljósi er boðið upp á nám sem inniheldur fjölbreytta kennslu og þjálfun á sviði félags-, sálar- og uppeldismála.

Auk annars er lögð áhersla á að:
• auka faglega vitund og skilning þeirra starfsmanna sem starfa við að veita fólki með fötlun þjónustu
• styrkja jákvætt viðmót og viðhorf meðal þeirra starfsmanna sem veita fólki sem býr við fötlun þjónustu
• auka almenna og sértæka færni þeirra starfsmanna sem veita fólki sem býr við fötlun þjónustu.

Umsjónaraðili: Framvegis - miðstöð um símenntun í Reykjavík. Kennslan fer fram í húsnæði Framvegis, Skeifunni 11b, 3.hæð, 108 Reykjavík.