Vinnustofa um fræðslumál - Vefnámskeið

Markmið vinnustofunnar er að þátttakendur geri sér grein fyrir mikilvægi markvissrar fræðslu til að styðja við breytingar í starfsumhverfi stofnana og að efla hæfni starfsmanna. Á vinnustofunni verður þátttakendum veittur stuðningur við að leggja drög að starfsþróun starfsmanna og útbúa fræðsluáætlun fyrir stofnun, einingu eða tiltekinn starfsmannahóp. Markmiðið er einnig að þátttakendur þekki til helstu starfsmenntunar- og fræðslusjóða sem styðja við fræðslu og símenntun opinberra starfsmanna.

Fjallað verður um örar breytingar í starfsumhverfi og mikilvægi stefnumiðaðrar starfsþróunar. Rætt verður um vinnustaðinn sem mikilvægan vettvang fyrir nám og ábyrgð stjórnenda á að skapa aðstæður fyrir símenntun og þróun í starfi og nokkrir starfsmenntunar- og fræðslusjóðir kynntir.

Helstu efnisþættir vinnustofunnar eru:

• Hugtakið símenntun og margvíslegar leiðir til starfsþróunar
• Hugtakið hæfni og greiningar á hæfnikröfum starfa
• Sjóðir sem styðja við fræðslu og símenntun opinberra starfsmanna
• Námsframboð og þjónusta Starfsmenntar