Gerðu ráð fyrir breytingum - Vefnám

Örar breytingar eru hluti af nútíma vinnuumhverfi og skiptir miklu máli að geta tekist á við þær. Námskeiðið er ætlað þeim sem standa frammi fyrir breytingum, eru í breytingaferli eða eru að takast á við eftirmála breytinga. Unnið er með þætti eins og viðmót og eigin túlkun. Tækifæri geta falist í breytingum og getur jákvætt viðhorf gagnvart þeim falið í sér nýja og spennandi möguleika. 

Námskeiðið verður í boði í fjarnámi í gegnum fjarfundakerfið Zoom sem margir þekkja í dag. Kerfið er einfalt í notkun en þátttakendur fá sendan hlekk í fundarboði sem þeir virkja þegar námskeiðið hefst. Nauðsynlegt er að hafa góða nettengingu, myndavél (nóg að hún sé innbyggð í tölvunni) og hljóðnema. Í Zoom fjarfundakerfinu sjá þátttakendur það sem fram fer á skjánum og geta einnig séð kennara og aðra þátttakendur, tekið þátt í umræðum og spjalli.

Hæfniviðmið

Að skilja og þekkja ferli breytinga.

Að þekkja aðferðir og leiðir til að takast á við breytingar.

Að geta valið og hagnýtt þau verkfæri sem kynnt eru til að takast á við breytingar.

Fyrirkomulag

Fyrirlestur, umræður og verkefni

Helstu upplýsingar

  • Tími
    Fimmtudagur 17. september 2020 frá kl. 09:00 - 12:00
  • Lengd
    3 klst.
  • Umsjón
    Sigríður Hulda Jónsdóttir sérfræðingur og eigandi SHJ ráðgjafar
  • Staðsetning
    Vefnám
  • Tegund
    Fjarnám
  • Verð
    15.000 kr. / Námskeiðið er félagsfólki aðildarfélaga og samstarfssjóða að kostnaðarlausu
  • Markhópur
    Námskeiðið er opið öllum en ókeypis fyrir aðildarfélaga Starfsmenntar.
  • Gott að vita
    Skráningu lýkur miðvikudaginn 17. september kl. 16:00
Skráningu á þetta námskeið hefur verið lokað!
  • Mat
    Þátttaka og virkni á námskeiðinu
  • Tengiliður námskeiðs
    Sólborg Alda Pétursdóttir
    solborg(hjá)smennt.is

Dagskrá

DagsetningDagskráKennari
17.09.2020Að takast á við breytingarSigríður Hulda Jónsdóttir