Trúnaðarmenn Sameykis - Langar þig til að skapa jákvæða og skapandi vinnustaðamenningu? - Vefnám kl. 9:00-12:00

ATH Námskeiðið er á vegum Endurmenntunar Háskóla Íslands. Örfá sæti í boði.

Á þessu stutta námskeiði verður rætt um nokkra lykilþætti árangursríkrar þjónandi leiðtogastjórnunar og skapandi vinnustaðamenningu. Þátttakendur fá tækifæri til að leggja fram spurningar og taka þátt í umræðum.
 
Vinnumarkaðsrannsóknir benda til þess að þrátt fyrir aukna sjálfvirkni þá er enn brýnna að stjórnendur og starfsfólk hafi færni á sviði mannlegra þátta til að halda velli í samkeppnisumhverfi samtímans. Þeirra á meðal eru eiginleikar eins og samskipti, frumkvæði, nýsköpun, þekkingaröflun- og miðlun, uppbyggilegt gagnrýnið hugarfar, samvinna og samningatækni. Sérstaklega er bent á að vinnustaðamenning þurfi að tryggja þætti sem stuðla að góðri heilsu, minnka líkur á kulnun og gæta þess að orka starfsfólks nýtist vel í skilgreind forgangsverkefni.

Það á að vera tilhlökkun að mæta til vinnu þar sem við vitum að við getum gert betur í dag en í gær.

Helstu efnisþættir:

• Hvað hæfni þurfa leiðtogar að styrkja sérstaklega?
• Hvað þarf ég/við að gera til að byggja upp liðsheild leiðtoga og sigurvegara?
• Hvernig hugarfar og menning skilar árangri til framtíðar?
• Hvar eru tækifærin?
• Hvað get ég og starfsmannahópurinn sem ég tilheyri gert til að njóta meiri gleði og árangurs?
• Af hverju getur hugarfar þjónandi leiðtogastjórnunar minnkað líkur á langtíma veikindum og kulnun?

Markmið að trúnaðarmaður:

• Fái betri skilning og þekkingu til að skapa og viðhalda jákvæðum starfsanda,
• Öðlist verkfæri til að efla jákvæðni, samkennd og samvinnu,
• Skilji betur leiðarljósið: „Ég ætla að gera betur í dag en í gær.“
• Að þekkja grunnþætti að samkeppnishæfni til framtíðar.
• Að þekkja nokkra af áhættuþáttum kvíða og kulnunar á vinnustað.