Starfsmennt býður reglulega upp á námskeið og námsleiðir fyrir einstaklinga sem starfa í sundlaugum og íþróttamannvirkjum. Þróttur miðar að því að efla starfsfólk íþróttamannvirkja, auka faglega þekkingu þess og mæta auknum kröfum sem gerðar eru til þessa hóps í starfi. Með aukinni fagþekkingu er vonast til að draga úr starfsmannaveltu, efla vinnubrag og starfsánægju og gefa starfsmönnum færi á að þróa starfshæfni sína og þjónustu enn frekar. Námið gefur einnig innsýn í vaxandi möguleika afþreyingariðnaðarins og mikilvægi frístunda.  

Námsleiðin var þróuð í samstarfi við Kjöl, stéttarfélag í almannaþjónstu, Akureyrarbæ og starfsmannafélög bæjarstarfsmanna á landsvísu og var námskráin gefin út árið 2011. 

Árið 2018 greindi SÍMEY á Akureyri hæfnikröfur starfs í íþróttahúsi og starfs sundlaugavarðar og vann upp úr þeirri hæfnigreiningu starfaprófíla fyrir hvort starf. Árið 2019 fékk SÍMEY styrk úr Þróunarsjóði framhaldsfræðslunnar til að vinna námskrár á grundvelli starfaprófílanna með það að marki að námið hljóti viðurkenningu Menntamálastofnun sem vottað nám framhaldsfræðslunnar. Niðurstöðu má vænta síðla árs 2020.

Ef þig vantar frekari upplýsingar eða þú ert með ábendingar til okkar hvetjum við þig til að hafa samband.

Skoða öll námskeið      |      Skoða upplýsingatækninámskeið      |     Skoða þjónustunámskeið     |     Starfsþróunarráðgjöf

Engin námskeið á döfinni í þessum flokki. Vinsamlegast líttu við síðar.