Ferða- og dvalarstyrkur  

Við greiðum ferða- og dvalarstyrki til félagsmanna sem sækja nám á vegum setursins utan heimabyggðar. Markmiðið er að auðvelda þátttöku í námi óháð búsetu. 

Reglur varðandi ferða- og dvalarstyrk: 

  • Akstur greiðist til einstaklinga sem nemur 1/4 af akstursgjaldi eins og það er reiknað af ferðakostnaðarnefnd ríkisins hverju sinni.
  • Kílómetragjald reiknast frá ystu bæjarmörkum sbr. vef Vegagerðarinnar.
  • Ekki er greiddur ferðakostnaður á stór-höfuðborgarsvæðinu.
  • 15 km verða að vera á milli ystu marka bæjarfélaga.
  • Ef margir ferðast saman má framselja einstaklingsrétt til eiganda bílsins.
  • Ávallt ber að velja ódýrasta mögulegan ferðamáta, akstur eða flug. Þannig er ætlast til að námsmenn panti flug með fyrirvara ef kostur er á. Skila þarf inn flugmiða með umsókn og í einstaka námsleiðum verður sett þak á verð flugfargjalda.
  • Ef námsleið er kennd í fjarnámi eða dreifnámi ber að velja þann kost umfram staðbundið nám.
  • Skila þarf inn áætlun um ferðakostnað ef fara þarf fleiri en 7 ferðir á önn til að sækja nám.
  • Greitt er fyrir gistingu þegar sækja þarf námskeið um langan veg. Stuðningurinn miðast við eins manns herbergi og greiðist kr. 14.060  gegn framvísun kvittunar. Ef aðrir gistimöguleikar eru valdir er veittur styrkur kr. 5.400 án framvísunar kvittunar.
  • Sækja verður um ferða- og dvarlarstyrk á sama námsári og nám er stundað.

Til þess að sækja um fyllir þú út formið hér að neðan.