Starfsmennt logo

Sótthreinsitæknar

Tegund af námi

Nám stofnana
Nám fyrir alla
Nám um kjör og velferð
Nám starfsgreina

Sótthreinsitæknabrú hjá FÁ

Dreifnám og dagskóli

Fjölbrautaskólinn við Ármúla býður upp á sótthreinsitæknabrú fyrir verðandi sótthreinsitækna og greiðir Starfsmennt námið fyrir aðildarfélaga sína. Brautin felur í sér mat á fyrra námi /símenntun og starfsreynslu sem styttir námsbraut sótthreinsitækna á grundvelli eftirfarandi skilyrða:

Nemandi hafi náð 22 ára aldri. 
Nemandi hafi að minnsta kosti fjögurra ára starfsreynslu og starfi við sótthreinsun og dauðhreinsun á heilbrigðissviði.
Nemandi hafi lokið 160 tíma sérhæfðri fræðslu sem nýtist í starfi eða starfstengdum námskeiðum stéttarfélaga eða stofnunar. 

Að námi loknu öðlast nemendur fullgild réttindi sem sótthreinsitæknar.

Brúin verður í boði í dagskóla og fjarnámi fyrir þá sem uppfylla skilyrðin. 
Við hvetjum ykkur til að kynna námið fyrir öðrum og hrífa þá með ykkur en námið hefst í janúar og ágúst á hverju ári.

Umsóknir sendist til Fjölbrautaskólans við Ármúla, Ármúla 12, 108 Reykjavík. 
Ath! Vinsamlega látið fylgiskjöl fylgja umsókn ásamt upplýsingum um stéttarfélagsaðild.

Nánari upplýsingar um námið veitir Kristrún Sigurðardóttir kennslustjóri, netfang run(hjá)fa.is.

Fræðslusetrið Starfsmennt greiðir innritunar- og einingagjöld fyrir aðildarfélaga sína og aðildarfélaga Sveita- og Ríksmenntar.  

Hér má sjá yfirlit yfir námið og inntökuskilyrðin og námskrá fyrir sótthreinsitæknabrúna.