Starfsmennt logo

Tegund af námi

Nám stofnana
Nám fyrir alla
Nám um kjör og velferð
Nám starfsgreina

Jafnlaunastaðall: V. Launagreining - FJARNÁMSKEIÐ

Helstu upplýsingar

  • Nám hefst 18. febrúar 2019
  • 3 klst.
  • Án kostnaðar
  • Námskeiðið er ætlað forstöðumönnum, mannauðsstjórum, gæðastjórum og öðrum þeim sem ætlað er að stýra eða gegna ábyrgðarhlutverki við innleiðingu .
Skráningu á þetta námskeið hefur verið lokað!Setja í dagatal

Námslýsing

Meginmarkmið jafnlaunavottunar er að vinna gegn kynbundnum launamun og stuðla að jafnrétti kynjanna á vinnumarkaði. Jafnlaunavottun var lögfest í júní 2017 með breytingu á lögum um jafna stöðu og jafnan rétt kvenna og karla. Samkvæmt lögunum skal jafnlaunavottun byggjast á Jafnlaunastaðlinum ÍST 85.

Við innleiðingu staðalsins er gert ráð fyrir að a.m.k. ein launagreining liggi fyrir. Fyrirtæki og stofnanir þurfa síðan að framkvæma kerfisbundnar úttektir reglulega eftir innleiðingu og kanna þannig hvort að kynbundinn launamunur sé til staðar. 

Á námskeiðinu er fjallað um ferli launagreiningar og viðeigandi aðferðir kynntar, þ.e. aðferð minnstu kvaðrata (línuleg aðhvarfsgreining) og meðallaunagreiningu. Einnig er kynnt hvernig halda megi utan um launagögn og viðbótarupplýsingar um kjör starfsmanna í mannauðskerfum og gagnaskrám. Greint er frá skilgreiningum á launum og launatengdum þáttum og skoðaðir þeir þættir sem hafa áhrif á launamyndun fyrirtækja og stofnana. Ná þarf utan um sem flesta þætti sem hafa áhrif á laun til að fá sem réttasta mælingu á launamun. Einnig er fjallað um hvernig rýna megi í niðurstöður launagreininga og mikilvægi þess að fyrirtæki og stofnanir setji fram áætlun um leiðréttingar á óútskýrðum launamun, ef hann er til staðar.

Að námskeiði loknu eiga þátttakendur að hafa öðlast grunnþekkingu á framkvæmd launagreininga, hverju þarf að huga að og hvað ber að varast.

Aðrar upplýsingar:
Þátttakendur þurfa að hafa aðgang að staðlinum ÍST85:2012, sem má nálgast á stadlar.is

Námskeiðið fer fram í gegnum fjarfundakerfið ZOOM.
Þátttakendur þurfa að vera með nettengda tölvu, vefmyndavél, hljóðnema og góða ADSL eða ljósnet/leiðara tengingu. Mælt er með að þátttakendur noti Chrome eða Firefox vafra.
Föstudaginn 16. nóv. kl 13:00 fer fram prufa á búnaði og ZOOM kerfinu fyrir þá þátttakendur sem það vilja.
Slóð námskeiðsins verður sent á það netfang sem þátttakandi hefur gefið upp við skráningu.

Námskeiðið er hluti af röð fimm sjálfstæðra námskeiða sem byggjast á námsskrá velferðarráðuneytisins og er heppilegt að taka námskeiðin í tímaröð.

Skráningu (fyrir aðildarfélaga Starfsmenntar) lýkur 5.nóv. kl.10:00.



Markmið

  • Að öðlast skilning á launagreiningu, tilgangi hennar og aðferðum.
  • Að þekkja þá þætti sem hafa áhrif á launamyndun.
  • Að átta sig á hvað þarf að hafa í huga við framkvæmd launagreininga og hvað beri að varast.
  • Að kynnast helstu tækjum til launagreininga.
  • Að þekkja ferli launagreiningar og verklag.
  • Að öðlast grunnþekkingu á framkvæmd einfaldra launagreininga og áætlunum um leiðréttingar á óútskýrðum launamun.
Skráningu á þetta námskeið hefur verið lokað!

Dagskrá

DagsetningNámsþátturTími fráTími tilKennari
18.02.2019Á námskeiðinu er fjallað um:13:0016:00Guðbjörg Andrea Jónsdóttir, forstöðumaður Félagsvísindastofnunar
18.02.2019Ferli við launagreiningu.13:0113:01Guðbjörg Andrea Jónsdóttir
18.02.2019Aðferðir við launagreiningu.13:0213:02Guðbjörg Andrea Jónsdóttir
18.02.2019Hugtök og launaskilgreiningar.13:0313:03Guðbjörg Andrea Jónsdóttir
18.02.2019Launastefnu og viðmið til grundvallar launaákvörðunum.13:0413:04Guðbjörg Andrea Jónsdóttir
18.02.2019Þætti sem hafa áhrif á launamyndun fyrirtækja/stofnana.13:0516:05Guðbjörg Andrea Jónsdóttir
18.02.2019Skilgreiningar á launum og launatengdum þáttum í staðlinum.13:0613:06Guðbjörg Andrea Jónsdóttir
18.02.2019Rýni og áætlun um leiðréttingar á óútskýrðum launamun.13:0713:07Guðbjörg Andrea Jónsdóttir

Fyrirkomulag

Námskeiðið er hluti af röð fimm sjálfstæðra námskeiða sem byggjast á námsskrá velferðarráðuneytisins og er heppilegt að taka námskeiðin í tímaröð. Næstu námskeið:

1) Jafnlaunastaðall: I. Kynning á jafnlaunastaðli og inngangur 
FJARNÁMSKEIÐ: mán. 21. jan. kl. 13:00 - 16:00 skráning hér
STAÐARNÁMSKEIÐ: mán. 25. feb. kl 13:00 - 16:00 skráning hér

2) Jafnlaunastaðall: II. Gæðastjórnun og skjölun 
FJARNÁMSKEIÐ: mán. 28. jan. kl. 13:00 - 16:00 skráning hér
STAÐARNÁMSKEIÐ: mán. 4. mars kl. 13:00 - 16:00 skráning hér

3) Jafnlaunastaðall: III. Gerð verklagsreglna og annarra skjala í gæðakerfum 
FJARNÁMSKEIÐ: mán. 4. feb. kl. 13:00 - 16:00 skráning hér 
STAÐARNÁMSKEIÐ: mán. 11. mars kl. 13:00 - 16:00 skráning hér

4) Jafnlaunastaðall: IV. Starfaflokkun 
FJARNÁMSKEIÐ: mán. 11. feb. kl. 13:00 - 16:00 skráning hér
STAÐARNÁMSKEIÐ: mán. 7. jan. kl. 13:00 - 16:00 skráning hér
STAÐARNÁMSKEIÐ: mán. 18. mars kl. 13:00 - 16:00 skráning hér

5) Jafnlaunastaðall: V. Launagreining 
FJARNÁMSKEIÐ: mán. 18. feb. kl. 13:00 - 16:00 skráning hér
STAÐARNÁMSKEIÐ: mán. 14. jan. kl. 13:00 - 16:00 skráning hér
STAÐARNÁMSKEIÐ: mán. 25. mars kl. 13:00 - 16:00 skráning hér

Aðrir áhugasamir geta sótt um beint hjá EHÍ hér 



Tengiliður námskeiðs

Soffía G. Santacroce

Soffía G. Santacroce

smennt(at)smennt.is
550 0060
Prenta námskeið

Staður og stund

FJARNÁMSKEIÐ
Mánudaginn 18. feb. kl. 13:00 - 16:00.

Umsjón

Guðbjörg Andrea Jónsdóttir, forstöðumaður Félagsvísindastofnunar

Samstarfsaðilar

Endurmenntun Háskóla Íslands.

Gott að vita

Starfsmennt greiðir námskeiðið fyrir aðildarfélaga.

Námskeiðið fer fram í gegnum fjarfundakerfið ZOOM.
Þátttakendur þurfa að vera með nettengda tölvu, vefmyndavél, hljóðnema og góða ADSL eða ljósnet/leiðara tengingu. Mælt er með að þátttakendur noti Chrome eða Firefox vafra.

Mat

Þátttaka.