Starfsmennt logo

Tegund af námi

Nám stofnana
Nám fyrir alla
Nám um kjör og velferð
Nám starfsgreina

Út fyrir boxið - Nýsköpun og lausnamiðuð hugsun

Helstu upplýsingar

  • Nám hefst 13. nóvember 2019
  • 3 klst.
  • Án kostnaðar

Námslýsing

Samkvæmt könnun sem IBM gerði með því að spyrja yfir 1.500 stjórnendur frá 60 löndum og í 33 mismunandi starfsstéttum, þá er sköpunargleði það sem við þurfum til að ná árangri. Rannsakendur tala um að sköpunargleði sé forsenda nýsköpunar, samkeppnishæfni og áframhaldandi tilveru fyrirtækja og höfundurinn Daniel Pink talar um í bók sinni A Whole New Mind að framtíðin muni tilheyra fólki sem er skapandi. Þá eru nýsköpun og lausnamiðuð hugsun hluti þeirrar hæfni sem við þurfum að tileinka okkur til að ná árangri í starfi með tilliti til áhrifa af fjórðu iðnbyltingunni.


Í námskeiðinu verður farið í hvað felst í skapandi og gagnrýnni hugsun og hvernig þetta tvennt styður við lausn hinna ýmsu verkefna, getur auðveldað starfið og gert það skemmtilegra. Framkvæmdar verða fjölbreyttar æfingar sem þjálfa upp skapandi og gagnrýna hugsun. Kynntar verða aðferðir og verkfæri sem nýtast við lausn verkefna.

Hæfniviðmið:

Þátttakendur munu að námskeiðinu loknu:

  • skilja hvað átt er við þegar talað er um skapandi og gagnrýna hugsun
  • geta tekið þátt í lausn verkefna sem krefjast skapandi og gagnrýnnar hugsunar
  • þekkja aðferðir og leiðir sem efla skapandi og gagnrýna hugsun
  • skilja hvernig hægt er að sameina aðferðir skapandi og gagnrýnnar hugsunar við lausnaleit
  • geta valið og beitt skapandi aðferðum við lausn verkefna




Markmið

  • Að gefa þátttakendum innsýn í hvernig þjálfa má og nýta skapandi og gagnrýna hugsun í starfi. Eitt af því sem einkennir árangursríkar stofnanir og fyrirtæki er hæfileiki starfsfólksins til að greina og leysa verkefni með fjölbreyttri og skapandi nálgun en fjórða iðnbyltingin kallar á þá hæfni í síauknum mæli. Sköpunargleði og gagnrýn hugsun nýtist einnig í daglegu lífi við úrlausn ýmissa verkefna og ákvarðanatöku.
Skráðu þig hér!

Dagskrá

DagsetningNámsþátturTími fráTími tilKennari
13.11.2019Út fyrir boxið - Nýsköpun og lausnamiðuð hugsun09:0012:00Birna Dröfn Birgisdóttir, doktorsnemi og stjórnenda markþjálfi

Fyrirkomulag

Fyrirlestur, umræður og verkefni.

Tengiliður námskeiðs

Steingerður Kristjánsdóttir

Steingerður Kristjánsdóttir

steingerdur@smennt.is
5500060
Prenta námskeið

Staður og stund

Starfsmennt, Skipholti 50b, 3.h. 105 Reykjavík
13. nóvember 2019 kl 9:00 - 12:00

Umsjón

Birna Dröfn Birgisdóttir, doktorsnemi og stjórnenda markþjálfi

Mat

Þátttaka og virkni á námskeiðinu.