Starfsmennt logo

Tegund af námi

Nám stofnana
Nám fyrir alla
Nám um kjör og velferð
Nám starfsgreina

Launaskólinn - Þema III - Fjarvera frá vinnu - launaðar og ólaunaðar fjarvistir

Helstu upplýsingar

  • Nám hefst 14. janúar 2020
  • 10 klst.
  • 50.000 kr.
  • Launafulltrúa og þeir sem koma að starfsmanna og kjaramálum hjá ríki og bæ.

Námslýsing

Markmiðið er að styrkja launafulltrúa og þá sem koma að starfsmanna og kjaramálum hjá ríki og bæ í starfi, með því að gefa heildarsýn yfir sviðið, kynna helstu ákvæði kjarasamninga og réttinda launþegans ásamt því að veita hagnýtar upplýsingar.

Orlof

Orlofsreglurnar eru teknar fyrir, bæði að því er varðar réttinn til að taka orlof/frí frá störfum og réttinn til orlofslauna (launaðra vinnuskyldustunda og orlofsfjár). Þá er fjallað um ávinnslu orlofs, skipulagningu orlofs, frestun orlofs, veikindi í orlofi, uppgjör við starfslok o.fl.

Óvinnufærni – veikindaréttur og slysatryggingar

Reglurnar um rétt vegna veikinda og slysa eru teknar fyrir. Óvinnufærniskilyrðið er skoðað sérstaklega og farið yfir atriði eins og tilkynningarskyldu starfsmanns, læknisvottorð, rétt til launaðra fjarvista/veikindadaga, heimild til að vinna skert starf (hlutaveikindi) og skilyrði fyrir endurkomu í starf eftir lengri veikindi (starfshæfnisvottorð). Þá er fjallað um rétt til slysatryggingar vegna varanlegrar örorku og dánarbóta.

Fæðingar- og foreldraorlof

Farið yfir þær reglur sem gilda um rétt starfsmanna til fæðingarorlofs, einkum varðandi tilhögun (hvernig það er tekið), greiðslur í fæðingarorlofi sem og uppsöfnun og vernd réttinda. Jafnframt er fjallað um ýmis hagnýt atriði, svo sem mæðraskoðun og veikindi á meðgöngu. Þá er fjallað stuttlega um foreldraorlof.

Námskeiðið er félagsmönnum aðildarfélaga Starfsmenntar  að kostnaðarlausu, aðrir greiða kr. 50.000.

Umsjón

Sara Lind Guðbergsdóttir og Halldóra Friðjónsdóttir frá Kjara- og mannauðssýslu ríkisins.



Markmið

  • Að kunna skil á helstu atriðum um ávinnslu orlofs og framkvæmd þess.
  • Að kunna skil á reglum um veikindarétt, sér í lagi þeim sem gilda um rétt til launaðra veikindafjarvista og nýtingu þeirra.
  • Að þekkja reglurnar um fæðingarorlof.
  • Að kunna skil á helstu reglum um vinnuskil og fjarveru frá vinnu.
Skráðu þig hér!

Dagskrá

DagsetningNámsþátturTími fráTími tilKennari
14.01.2020Orlof09:0012:00Sara Lind Guðbergsdóttir
14.01.2020Fæðingar- og foreldraorlof13:0015:00Sara Lind Guðbergsdóttir
15.01.2020Óvinnufærni, veikindaréttur og slysatryggingar09:0012:00Halldóra Friðjónsdóttir
15.01.2020Óvinnufærni, veikindaréttur og slysatryggingar13:0014:00Halldóra Friðjónsdóttir
15.01.2020Almennt um fjarveru frá vinnu14:0015:00Halldóra Friðjónsdóttir

Fyrirkomulag

Fyrirlestur og umræður.

Tengiliður námskeiðs

Björg Valsdóttir

Björg Valsdóttir

bjorg(hjá)smennt.is
550 0060
Prenta námskeið

Staður og stund

Skipholt 50b, 105 Reykjavík.
14. - 15. janúar 2020 frá kl. 9:00-15:00 báða daga.

Umsjón

Sara Lind Guðbergsdóttir og Halldóra Friðjónsdóttir frá Kjara- og mannauðssýsla ríkisins.

Gott að vita

Markmiðið er að styrkja launafulltrúa og þá sem koma að starfsmanna og kjaramálum hjá ríki og bæ í starfi.

Mat

Mæting.