Starfsmennt logo

Tegund af námi

Nám stofnana
Nám fyrir alla
Nám um kjör og velferð
Nám starfsgreina

Skjalastjórnun: Rekjanleiki, verklag og ábyrgð

Helstu upplýsingar

  • Nám hefst 27. janúar 2020
  • 6 klst.
  • Án kostnaðar
  • Námið hentar þeim sem annast skipulag skjalamála á eigin vinnustað. Ekki er gert ráð fyrir að þátttakendur hafi lokið formlegu námi í skjalastjórn.

Námslýsing

Eru skjalamálin í ólagi eða lítið samræmi á milli sviða, deilda og jafnvel einstaklinga á þínum vinnustað þegar kemur að vistun gagna? Er þörf á einhverri heildarsýn yfir þau gögn sem tilheyra vinnustaðnum og sameiginlegri áætlun um það hvernig best er að koma þeim fyrir þannig að vistun þeirra og endurheimt sé tryggð til frambúðar?

Á námskeiðinu er fjallað um ávinning upplýsinga- og skjalastjórnunar og rætt um tengsl fagsviðsins við stjórnun þekkingar og gæða. Fjallað er um tegundir skjala, m.a. erindi / bréf á pappír, tölvupóst, samninga, ljósmyndir, teikningar, bókhaldsgögn, eyðublöð og kynningarefni. Farið verður stuttlega í íslensk lög og reglugerðir er varða skjalastjórn á Íslandi fyrir opinberar stofnanir og sýnt fram á hvernig hægt er að beina sambærilegum aðferðum við skjalastjórn í fyrirtækjum í einkaeigu. Fjallað verður um ISO 15489 sem er alþjóðlegur staðall um skjalastjórnun.

Umfjöllunarefni:

• Nokkur hugtök í skjalastjórn sem nýtast í starfi.
• Hlutverk Þjóðskjalasafns fyrir opinberar stofnanir og sveitarfélög.
• Skjalatalning – yfirsýn yfir þau gögn sem verið er að nota.
• Skjalavistunaráætlun fyrir virk og óvirk skjöl.
• Flokkun skjala, skráning, vistun og endurheimt.
• Skjalageymslur og pökkun skjala.
• Hvernig má standa að innleiðingu á rafrænu skjalastjórnunarkerfi, hvað ber að varast og hver eru fyrstu skrefin.

Á námskeiðinu eru tekin fyrir raunveruleg dæmi og reynt að tengja efnið sem best við reynslu þátttakenda hverju sinni svo það nýtist beint í starfi.



Markmið

  • Aukin skilvirkni við upplýsinga- og skjalastjórn.
  • Aukinn skilningur á gildi upplýsinga- og skjalastjórnunar fyrir gæðastjórnun og rekstur.
  • Aukinn skilningur á hvernig hægt er að innleiða aðferðafræðina á vinnustaðinn sem heild.
Skráðu þig hér!

Dagskrá

DagsetningNámsþátturTími fráTími tilKennari
27.01.2020Skjalastjórnun: Rekjanleiki, verklag og ábyrgð13:0016:00Ragna Kemp Haraldsdóttir
30.01.2020Skjalastjórnun: Rekjanleiki og ábyrgð13:0016:00Ragna Kemp Haraldsdóttir

Fyrirkomulag

Fyrirlestrar, umræður og verkefni. Í lok námskeiðs fá þátttakendur viðurkenningarskjal frá EHÍ hafi þeir staðist námskeiðið.




Tengiliður námskeiðs

Soffía G. Santacroce

Soffía G. Santacroce

smennt(at)smennt.is
550 0060
Prenta námskeið

Staður og stund

Endurmenntun Háskóla Íslands, Dunhaga 7, 107 Reykjavík.
Mánudagurinn 27. og fimmtudagurinn 30. jan. frá klukkan 13:00 - 16:00.

Umsjón

Ragna Kemp Haraldsdóttir, aðjúnkt í upplýsingafræði við Háskóla Íslands.

Samstarfsaðilar

Endurmenntun Háskóla Íslands.

Gott að vita

Aðildarfélögum Starfsmenntar að kostnaðarlausu.

Eingöngu félagsmenn aðildarfélaga Starfsmenntar geta skráð sig hér á námskeiðið.
Aðrir verða að skrá sig hjá Endurmenntun Háskóla Íslands. 

Sæti á námskeiðin teljast ekki 100% örugg fyrr en Starfsmennt hefur breytt stöðu skráningar úr “nýr” í “samþykkt”, póstur verður sendur á þáttakendur þess efnis viku áður en námskeiðið hefst

Mat

100% mæting.