Starfsmennt logo

Tegund af námi

Nám stofnana
Nám fyrir alla
Nám um kjör og velferð
Nám starfsgreina

Grunnnám í bókhaldi

Helstu upplýsingar

  • Nám hefst 05. júní 2018
  • 46 klst.
  • Án kostnaðar
  • Aðildarfélagar Starfsmenntar sem vilja læra að færa bókhald og fá þjálfun í raunverulegu bókhaldsumhverfi með aðgengi að raunverulegum bókhaldsgögnum.
Skráðu þig hér!Setja í dagatal

Námslýsing

Í þessu námi verður kennslustofunni breytt í ímyndaða bókhaldsstofu þar sem nemendur fá þjálfun í færslu bókhalds. Námsgögn og aðgangur að bókhaldsforriti eru innifalin í námsgjaldinu. Nemendur mæta með sína eigin fartölvu en fá aðgang að neti.

Nemendur fá þjálfun í færslu fjárhagsbókhalds, sem byggir á verklegum æfingum með raungögnum í raunumhverfi og á rauntíma. Tilvalið nám fyrir þá sem dreymir um að þreyta próf til viðurkenningar bókara en hafa ekki reynslu í færslu bókhalds. Nú gefst þeim sem ekki hafa reynslu í bókhaldsstörfum tækifæri til að stíga skrefið og fá þá þjálfun og færni sem þarf til að starfa við færslu bókhalds.

Kennt er á bókhaldsforritið Reglu þar sem nemendur læra að færa fjárhagsbókhald sem byggir á verklegum æfingum með raungögnum í raunumhverfi á rauntíma. Einnig fjallað um helstu lög og reglugerðir varðandi færslu bókhalds, svo sem lög um bókhald, lög um tekjuskatt og lög um virðisaukaskatt. Jafnframt fjallað um helstu reglur varðandi skil á opinberum gjöldum.

Námið hefst mánudaginn 24. sept. 2018. Kennt er á mán., mið. og fim. í fimm vikur. Kennt er frá kl. 9:30 - 12:30 nema mán. 24. sept. er kennt frá kl. 8:30 - 12:30. 

Sjá nánari námslýsingu hér.

Frekari upplýsingar gefur Hulda Mjöll Hauksdóttir, verkefnastjóri námsins hjá EHÍ, netfang: hulda@hi.is, sími: 525-4929. Hulda er með viðtalstíma alla virka daga frá kl. 9:30 - 11:30.

Fyrirkomulag umsóknar:
Áhugasamir skrá sig hjá Starfsmennt sem sendir umsókn um námið til EHÍ. Hulda verkefnastjóri hjá EHÍ tekur við umsókninni og setur sig í samband við umsækjanda.

Athugið að Starfsmennt greiðir einu sinni fyrir hvern félagsmann á hvert námskeið. 

Nái félagsmaður ekki að ljúka námskeiði sem Starfsmennt hefur greitt fyrir hann og hyggst endurtaka það er bent á starfsmenntasjóði stéttarfélaga.



Markmið

  • Að geta fært fjárhagsbókhald
  • Að geta stofnað viðskiptavini
  • Að geta stofnað vörunúmer
  • Að geta gert sölureikning
  • Að geta gert vsk uppgjör
  • Að geta fært laun
  • Að geta gert leiðréttingar í fjárhag
  • Að geta gert afstemmingar
  • Að geta prentað út stöðu fjárhags, skuldunauta og lánardrottna
  • Að geta skoðað rekstararreikning og efnahagsreikning
  • Að þekkja helstu lög og reglugerðir varðandi bókhald
  • Að geta þekkt helstu reglur um skil á opinberum gjöldum
Skráðu þig hér!

Dagskrá

DagsetningNámsþátturTími fráTími tilKennari
05.06.2018Grunnnám í bókhaldi08:3012:30Inga Jóna Óskarsdóttir, Anna Bæringsdóttir og Vala Valtýsdóttir.

Fyrirkomulag

Fyrirlestrar og verklegar æfingar.

Tengiliður námskeiðs

Sólborg Alda Petursdóttir

Sólborg Alda Petursdóttir

solborg(hjá)smennt.is
5500060
Prenta námskeið

Staður og stund

Endurmenntun Háskóla Íslands að Dunhaga 7, 107 Reykjavík.
Kennsla hefst 24. september kl. 8:30. Námskeiðið er fimm vikur að lengd. Umsóknarfrestur er til og með 5. júní.

Umsjón

Inga Jóna Óskarsdóttir og Anney Bæringsdóttir viðurkenndir bókarar og Vala Valtýsdóttir lögfræðingur.

Samstarfsaðilar

Endurmenntun Háskóla Íslands.

Gott að vita

Tilvalið nám fyrir þá sem dreymir um að þreyta próf til viðurkenningar bókara en hafa ekki reynslu í færslu bókhalds.