Ráðgjöf og raunfærni

Starfsmennt býður opinberum stofnunum og starfsmönnum þeirra ráðgjöf á sviði mannauðsstjórnunar, símenntunar og starfsþróunar. Þannig styður fræðslusetrið stjórnendur við mótun vinnustaðamenningar og starfsumhverfis sem miðar að því að auka ánægju og hvatningu í starfi og aðstoðar einstaklinga við að þróa hæfni sína á vinnumarkaði. 

Þjónustan er á eftirfarandi sviðum:

Starfsþróun vísar til þess að starfsmenn þrói áfram færni sína, þekkingu og viðhorf og geti þannig nýtt hæfileika sína og dafnað áfram í starfi. Stefna stofnunar í starfsþróun varðar leiðina sem sett er í forgang.

Í nútímasamfélagi er nauðsynlegt að þróa áfram þekkingu sína, viðhorf og hæfni til að halda færni sinni á vinnumarkaði. Ráðgjafar okkar aðstoða einstaklinga í leit sinni að leiðum til að sinna símenntun og starfsþróun á markvissan hátt. 

Virk starfþróun er samstarfsverkefni starfsmanna og stjórnenda og ráðgjafar okkar vinna í nánu samstarfi við báða aðila. Leitast er við að koma til móts við þarfir stofnana og einstaklinga með sérsniðnum úrræðum og kappkostað er að veita sveigjanlega, hagnýta og faglega þjónustu á sviði starfsþróunar og mannauðseflingar.

Þjónustan er stofnunum og einstaklingum að kostnaðarlausu að því gefnu að hún nýtist félagsmönnum aðildarfélaga Starfsmenntar. Þá hafa einnig verið gerðir samstarfssamningar við fræðslu- og mannauðssjóði ýmissa stéttarfélaga og stofnunum þannig auðvelduð heildstæð nálgun á ráðgjafavinnunna.

Hafðu samband til að fá nánari upplýsingar um hvernig ráðgjafaþjónustan getur nýst þér. 

Undir Sitthvað forvitnilegt er að finna umfjöllun um ýmislegt sem varðar stjórnun, starfsumhverfi, símenntun og starfsþróun. 

Hafa samband