Starfsmennt viðurkenndur fullorðinsfræðsluaðili

11.11.2019

Starfsmennt hlaut í byrjun nóvember 2019 viðurkenningu af hálfu Menntamálastofnunar til að annast framhaldsfræðslu. Þar með staðfestist að starfsemi Starfsmenntar uppfyllir almenn skilyrði laga um framhaldsfræðslu nr. 27/2010 og reglugerð um framhaldsfræðslu nr. 1163/2011.

Raunfærnimat á móti viðmiðum atvinnulífs – þróunarverkefni

13.08.2019

Starfsmennt tekur þátt í þróunarverkefni með Fræðslumiðstöð atvinnulífs um raunfærnimat á móti viðmiðum atvinnulífs. Verkefnið tekur til raunfærnimats í fjórum störfum, starf í verslun, starf fulltrúa í opinbera geiranum, móttöku á gistihúsum og þjónustu í sal. Samstarfsstofnanir Starfsmenntar í verkefninu um starf fulltrúa í opinbera geiranum eru Vinnumálastofnun og Íbúðalánasjóður.

Kynningarfundur um raunfærnimat 15. október

07.08.2019

Áttu einingar en ert ekki búin(n) að ljúka stúdentsprófi? Kynningarfundur um raunfærnimat á móti námskrá Háskólabrúar Keilis, verður haldinn í október nk.

Rafrænn Fangavarðaskóli

06.06.2019

Árið 2018 fékk Starfsmennt það verkefni að vinna með Fangelsismálastofnun að uppsetningu náms fyrir fangaverði og var um að ræða úrvinnslu bókunar með kjarasamningi fjármála- og efnahagsráðherra og SFR – stéttarfélags í almannaþjónustu, nú Sameyki, frá árinu 2015. Um var að ræða tiltekinn hóp starfsmanna Fangelsismálastofnunar sem ekki hafði gefist færi á að ljúka námi frá Fangavarðaskólanum. Ákveðið var að nýta tækifærið og flytja allt bóklegt nám í rafrænt námsumhverfi en bjóða áfram upp á verklega kennslu í staðnámi. Þetta var m.a. gert til að starfsmennirnir ættu tök á að sinna náminu hvenær sem var sólarhringsins og hvar sem var á landinu, en starfsstöðvar Fangelsismálastofnunar eru á mörgum stöðum og starfið sjálft unnið í vaktavinnu og því jákvætt að nemendur gætu nálgast námið hvenær sem var sólarhringsins.

Fréttabréf

Við sendum út fréttabréf með upplýsingum um námskeið og viðburði. Stundum sendum við líka stutta fróðleiksmola. 

Skráðu netfangið þitt og þá færðu fréttirnar!