Grænt-Vænt og Vegan með Ylfu

Námskeiðið snýr í grunninn að grænmetiseldamennsku og öllum þeim möguleikum sem slík fæða býður upp á. Megináhersla verður lögð á hollustu, innblástur og næringargildi - og samsetningu réttanna. Einnig verður farið yfir framsetningu og auðveldar leiðir til að gera réttina spennandi og girnilega. Meðal þess sem verður farið yfir eru uppskriftir og góð ráð fyrir veganrétti, grænmetisrétti, sósur, ídýfur, grauta, brauð, kex og eftirrétti.  

Í fræðsluhluta námskeiðsins er fjallað um helstu þætti grænmetismatreiðslu, þar á meðal hvað ber að varast, umræða um næringargildi ýmissa hráefna, mismunandi tegundir „gervikjöts“, samantekt um ofurfæði og lausnir þegar elda þarf fyrir ýmiss konar sniðgöngumatarræði til dæmis vegna ofnæmis.

Að lokinni kynningu fá þátttakendur að taka sjálfir þátt í gerð ýmissa rétti undir handleiðslu kennara. Áhersla er lögð á að kynnast hráefninu, læra réttar eldunaraðferðir og jafnframt hvernig best sé að bera réttina fram. Í lok námskeiðisins verður sest niður, bragðað á afrakstri dagsins og spjallað saman.

Eingöngu félagsfólk aðildarfélaga Starfsmenntar getur skráð sig hér á námskeiðið. Félagsfólk BHM með aðild að Starfsþróunarsetri háskólamanna sem hyggst skrá sig á þetta námskeið verður að hafa samband við Starfsmennt. Aðrir skrá sig hjá Iðan fræðslusetur.

Iðan fræðslusetur