Vönduð íslenska - Vefnám

Gríðarleg aukning hefur orðið í framleiðslu texta á undanförnum áratugum. Sífellt fleiri þurfa að semja ritaða texta, oftast fremur stutta, bæði í starfi og einkalífi. Í langflestum tilvikum eru textar samdir til þess að aðrir lesi þá.

Nokkur lykilatriði sem hafa verður í huga eru tími, sjálfsöryggi, þekking á viðfangsefni, bygging texta, málfar og birting.

Farið verður í helstu einkenni texta sem samdir eru á íslensku og þátttakendur þjálfaðir í að semja stutta texta, t.d. tölvupósta, efni á innri vefi, heimasíður og fréttabréf.

Á námskeiðinu er fjallað um:

• Formlega texta: Markmið og einkenni.
• Stíl sem hæfir efni og ýmis álitamál sem upp koma.
• Rétt mál og rangt, gott mál og vont.
• Tölvupósta, innri vefi, heimasíður og fréttabréf.

Ávinningur þinn:

• Þekking á helstu hjálpargögnum, bæði prentuðum og rafrænum.
• Aðferðir til þess að bæta ritun í smáu og stóru.
• Öryggi við ritun texta.
• Kynnast þátttakendum á námskeiði sem eru í svipuðum sporum.

Fyrirlestur, umræður og verkefni.

Námskeiðið fer fram í gegnum fjarfundakerfið ZOOM.
Þátttakendur þurfa að vera með nettengda tölvu, vefmyndavél, hljóðnema og góða ADSL eða ljósnet/leiðara tengingu. Mælt er með að þátttakendur noti Chrome eða Firefox vafra.
Slóð námskeiðsins verður send á það netfang sem þátttakandi hefur gefið upp við skráningu.

Eingöngu félagsmenn aðildarfélaga Starfsmenntar geta skráð sig hér á námskeiðið.

Aðrir verða að skrá sig hjá Endurmenntun Háskóla Íslands.

Sæti á námskeiðin teljast ekki 100% örugg fyrr en Starfsmennt hefur breytt stöðu skráningar úr “nýr” í “samþykkt”, póstur verður sendur á þáttakendur þess efnis viku áður en námskeiðið hefst.Námskeiðið er eingöngu kennt í fjarnámi.