Eigin styrkleikar og árangur í teymisvinnu

Að þátttakendur kynnist enn betur eigin styrkleikum og að bera kennsl á styrkleika annarra. Slík þekking nýtist vel í teymisvinnu.

Farið er vel yfir hvernig nýta má eigin styrleika betur í starfi og einkalífi og þátttakendur búa til áætlun um að blómstra í komandi verkefnum út frá eigin styrkleikum.

Þátttakendur taka styrkleikapróf og kynnast hugmyndafræði VIA Strenght prófs Dr. Martins Seligmans og Cristhophers Petterson.

Þátttakendur munu uppgötva sína eigin styrkleika, læra hvernig á að beita þeim markvisst og hvernig styrkleikamiðuð nálgun getur aukið vellíðan, sjálfstraust og árangur í daglegu lífi.

Efnistök:

• Styrkleikar, hvað er það og hvernig má nota þá betur
• VIA Character strengths, uppruni og þróun
• Kynnumst 24 styrkleikum prófsins
• Rannsóknir sem tengjast styrkleikanálgun og áhrifum á lífsgæði
• Þátttakendur taka VIA Character Strengths (á íslensku eða ensku) og greina sína styrkleika og hvernig þeir birtast í daglegu lífi og hvernig má efla þá
• Nýting styrkleika í samstarfi (fyrir vinnuteymi), bera kennsl á styrkleika annarra og hvernig þeir geta bætt samvinnu og lausnamiðaða hugsun

Vinnustofa, tvær klukkustundir, tvö skipti í beinu streymi á Zoom. Fræðsla, umræður, verkefni. Einstaklings og hópverkefni. Opnar umræður um reynslu þátttakenda og hvernig þeir vilja nýta styrkleikana áfram.