Microsoft Planner og Teams

Skráningu lýkur 10. mars kl.10:00.

Microsoft Teams, ásamt öðrum Microsoft 365 (M365) afurðum hefur verið innleitt hjá fjölda fyrirtækja, stofnana og sveitarfélaga enda frábært tæki til að halda utan um teymi, fjarfundi, deila gögnum, spjalla (e. chat) og margt fleira.

Færri vita af Microsoft Planner og því sem það hefur fram að færa en með því má skipuleggja verkefni, útdeila verkþáttum, virkja áminningar og sjá framvindu verkefna frá mælaborði.

Með Microsoft Planner getur þú og teymið þitt sett fram áætlun um verkefni, deilt út verkþáttum, átt í samskiptum ykkar á milli og séð framvindu verkþátta frá mælaborði.
Haldið utan um fundargerðir, verið með upplýsingasíðu og fleira tengt verkefninu.

Þetta námskeið fjallar fyrst og fremst um hvernig þú getur nýtt þér Planner við skipulag og verkefnastjórnun og tengingu Planner við Teams.

Á námskeiðinu er fjallað um:

• Uppsetningu nýs verkefnateymis í Microsoft Teams.
• Uppsetningu Microsoft Planner.
• Verkefnaræs – hugarflug.
• Hugarflug í tengslum við verkefni (e. tasks).
• Fötur, verk og fleira.
• Setja ábyrgð.
• Virkjun tímasetninga og áminninga.
• Hvar þær birtast og hvernig má nálgast þær.
• Hengja ítarefni við verk.
• Notkun á Wiki í teyminu ásamt „Microsoft Teams lists“.
• Mælaborð.
• Skjölun á verkefninu & fundargerðir.
• Notkun á smáforritum fyrir iOS og Android.
• Og fleiri atriði tengd Planner.

Ath. Gert er ráð fyrir að þátttakendur hafi þekkingu á Teams og/eða hafi lokið grunnnámskeiðinu, Microsoft Teams & OneDrive hjá EHÍ.

Eingöngu félagsmenn aðildarfélaga Starfsmenntar geta skráð sig hér á námskeiðið.

Aðrir verða að skrá sig hjá Endurmenntun Háskóla Íslands.

Sæti á námskeiðin teljast ekki 100% örugg fyrr en Starfsmennt hefur breytt stöðu skráningar úr “nýr” í “samþykkt”, póstur verður sendur á þátttakendur þess efnis viku áður en námskeiðið hefst. Námskeiðið er eingöngu kennt í fjarnámi.