Skýjalausnir kl. 09:00 - 12:00

Námsþættinum er ætlað að efla skilning og færni námsmanna í vinnu við skýjalausnir.
Fjallað verður um tilgang og notkunarmöguleika skýjalausna. Farið verður yfir samvinnu í gegnum skýjalausnir sem felur í sér að unnið eru á sameiginlegu vinnusvæði í skýi en ekki á einstaka tækjum. Fjallað er um deilingu skjala og gagna í gegnum skýjalausnir, bæði þegar unnið er í sömu skýjalausninni og sitt hvorri. Farið er í hvernig útgáfusaga skjala virkar, aðgangsstýring og öryggismál skýjalausna.

Námið byggir á námskránni Tæknilæsi og tölvufærni – Vinnuumhverfi samtímans og er í boði í samvinnu við Framvegis – Miðstöð símenntunar. 

Hæfniviðmið námsþáttar

Námsmaður skal hafa öðlast þekkingu og skilning á:

  • Helstu skýjalausnum og hvað er líkt með þeim og hvað er ólíkt
  • Að skýjalausn er gagnageymsla og vinnslusvæði
  • Öryggismálum skýjalausna og af hverju þau skipta máli fyrir vinnustaði og einstaklinga
  • Tilgangi útgáfusögu skjala í skýjalausnum
  • Hvernig skjölum er deilt í skýjalausn og hver er tilgangur deilingar
  • Tvöfaldri auðkenningu við innskráningu í skýjalausn

Námsmaður skal hafa öðlast leikni í að:

  • Vinna með skjöl í skýjalausnum, svo sem að stofnað, vistað, breyta deila skjölum
  • Setja af stað og eiga samskipti og samstarf í skýjalausn
  • Tryggja öryggi skjala í skýjalausnum
  • Geta nýtt tvöfalda auðkenningu til að tryggja öryggi skýjalausna

Námsmaður skal geta hagnýtt þá almennu þekkingu og leikni sem hann hefur aflað sér til að:

  • Vinna af öryggi bæði sjálfstætt og með öðrum í skýjalausn
  • Geta átt og sett af stað samvinnu í skýjalausn og valið viðeigandi leiðir á öruggan hátt
  • Nýta sér útgáfustýringu skjala til að tryggja gæði skjalavinnslu
  • Vera ábyrgur og gæta öryggis í vinnu við skýjalausnir

Fyrirkomulag

Námið er bæði bóklegt og verklegt.

Helstu upplýsingar

  • Tími
    Fimmtudagur 28. október, þriðjudagur 2. og fimmtudagur 4. nóvember kl. 09:00 - 12:00
  • Lengd
    9 klst.
  • Umsjón
    Hermann Jónsson fræðslustjóri hjá Tækninám.is
  • Staðsetning
    Í húsnæði Framvegis
  • Tegund
    Námskeið
  • Verð
    49.500 kr.
  • Markhópur
    Fyrir alla sem vilja læra um skýjalausn, öryggismál, aðgangsstýring, útgáfusaga skjala, deiling skjala, tvöföld auðkenning.
  • Tengiliður námskeiðs
    Soffía Santacroce
    soffia(hjá)smennt.is
    550 0060

Dagskrá

DagsetningNámsþátturFráTilKennari
28.10.2021Skýjalausnir09:0012:00Hermann Jónsson
02.11.2021Skýjalausnir09:0012:00Sami kennari
04.11.2021Skýjalausnir09:0012:00