Tæknifærni og tæknilæsi - Viltu skilja tæknina betur? Kl. 09-12

Ef þú vilt skilja tækni og hugbúnað betur þá er þetta námskeið fyrir þig!

Þátttakendur fá kynningu á hvernig vélbúnaður og hugbúnaður vinna saman.

Fjallað verður um hvað þarf að hafa í huga þegar búnaðurinn er valinn svo hann samræmist þörfum notanda.

Einnig verður farið í vistun og afritun gagna og hvernig eigi að bregðast við ef hugbúnaðurinn tilkynnir um villu.

Námskeiðið er án kostnaðar fyrir aðildarfélaga Starfsmenntar. 

Námskeiðið byggir á námskránni Tæknilæsi og tölvufærni – Vinnuumhverfi samtímans og er í boði Starfsmenntar og Framvegis.

Hæfniviðmið námsþáttar

Þátttakandi öðlast þekkingu og skilning á:

• Íhlutum tölvu, eins og hörðum diski, örgjörva og skjákorti
• Mismunandi tegundum tækja (t.d. þjónar, tölvur, snjalltæki) sem notuð er í upplýsingatækni
• Hlutverki og takmörkunum mismundandi tækja
• Hlutverki og takmörkunum mismundandi hugbúnaðar
• Hvernig og hvort hugbúnaður og vélbúnaður geta unnið saman
• Helstu möguleikum á vistun gagna og afritun gagna
• Merkingu villumeldinga og að bregðast þarf við þeim

Þátttakandi verður leikinn í að:

• Velja vélbúnað út frá notkun og þörfum
• Velja hugbúnað út frá þörfum og því tæki sem hugbúnaðurinn vinnur með
• Velja vistunarstað gagna út frá möguleikum um aðgengi
• Geta lesið villumeldingar og metið næstu skref

Þátttakandi nýtir sér námskeiðið til að:

• Nýta viðeigandi vélbúnað eftir verkefni og aðstæðum
• Vinna með hugbúnað sem hæfir viðfangsefninu
• Vista og afrita gögn eftir því sem við á og í samræmi við verkferla eða vinnuvenjur
• Bregðast við villumeldingum á réttan hátt til að lágmarka hindranir í vinnslu