Aldraðir með sjón- og heyrnaskerðingu
Aukum virkni aldraðra með skerta sjón eða samþætta aldursbundna sjón-og heyrnarskerðingu (SASH); gagnleg ráð fyrir starfsfólk og aðstandendur.
Margir aldraðir með skerta sjón eða SASH þurfa stuðning til að vera virkir í félagsstarfi og hreyfingu og þar með að auka lífsgæði sín.
Þátttakendur fá ábendingar og gagnleg ráð um hvaða aðferðir gagnast best við að styðja hópinn til félagslegrar virkni og að taka ábyrgð á eigin heilsueflingu. Einnig verða veittar upplýsingar um hin ýmsu hjálpartæki sem nýtast markhópnum og úrræði sem standa þeim til boða. Þá verður einnig fjallað um ólíkar tegundir sjónskerðinga meðal aldraðra.
Námskeiðið samanstendur af fimm þemum þar sem farið er yfir algengustu orsakir sjónskerðinga hjá öldruðum, samþætta aldurstengda sjón- og heyrnarskerðingu, aðlögun umhverfis til að bæta aðgengi, leiðsögn við áttun og rötun og að lokum úrræði til að bæta félagslega virkni.
Námskeiðið byggir á afurð evrópska samstarfsverkefnisins VAPETVIP, Virtual Academy for Professionals in Education and Training of Visually Impaired People. Markmið verkefnisins var m.a. að útbúa námsefni til að auka þekkingu og hæfni þeirra sem starfa með blindum og sjónskertum. Fulltrúi Íslands í evrópusamstarfinu var Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu.
Markmið
Að efla hæfni starfsmanna og aðstandenda í að hvetja aldraða með skerta sjón eða SASH til félagslegrar og heilsufarslegrar virkni með viðurkenndum aðferðum.
Að þátttakendur öðlist þekkingu á hinum ýmsu hjálpartækjum sem nýtast hópnum og hvaða úrræði eru í boði til virkni og heilsueflingar einstaklinga sem skerta sjón eða SASH
Fyrirkomulag
Veffyrirlestur, upptaka verður aðgengileg skráðum þátttakendum í viku eftir að námskeiði lýkur.Helstu upplýsingar
- TímiFimmtudagur 10. nóvember kl. 09:00 - 11:00
- Lengd2 klst.
- UmsjónEstella Björnsson og Vala Jóna Garðarsdóttir frá Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu (Miðstöðin).
- StaðsetningVefnám á rauntíma, kennt á Teams
- TegundStreymi
- Verð11.000 kr.
- MarkhópurStarfsfólk heimahjúkrunar, öldrunar- og félagsþjónustu. Aðstandendur aldraðra.
- Tengiliður námskeiðsSoffía G. Santacroce
- MatÞátttaka
Gott að vita
Dagskrá
Dagsetning | Námsþáttur | Frá | Til | Kennari |
---|---|---|---|---|
10.11.2022 | Aldraðir með sjón- og heyrnaskerðingu - fyrir starfsfólk og aðstandendur | 09:00 | 11:00 | Estella Björnsson og Vala Jóna Garðarsdóttir |