Árangursrík samskipti - kl. 12:30 - 16:30

Hér er um stutt en hnitmiðað námskeið að ræða þar sem tekin verða fyrir þau lykilatriði sem gera fólki kleift að ná hámarksárangri í samskiptum.

Samfélagið og atvinnumarkaðurinn gerir sífellt auknar kröfur til fólks um leikni í mannlegum samskiptum.

Þetta námskeið er hugsað fyrir þá sem vilja auka þekkingu sína og færni á því sviði.

Farið verður yfir þau atriði sem einkenna jákvæð og árangursrík samskipti og hvernig unnt er að takast á við krefjandi einstaklinga með farsælum hætti þrátt fyrir ólíkar þarfir þeirra og framkomu.

Á námskeiðinu er fjallað um:
• Samtalstækni og framkomu.
• Virka hlustun.
• Endurgjöf (gagnrýni/hrós).
• Krefjandi einstaklinga/samskipti.

Námskeiðið byggist á fyrirlestri, umræðum og léttum æfingum.

Námskeiðið er fyrir alla þá sem vilja ná forskoti í samskiptaleikni.Aðildarfélögum Starfsmenntar að kostnaðarlausu.Eingöngu félagsmenn aðildarfélaga Starfsmenntar geta skráð sig hér á námskeiðið.Aðrir verða að skrá sig hjá Endurmenntun Háskóla Íslands. Sæti á námskeiðin teljast ekki 100% örugg fyrr en Starfsmennt hefur breytt stöðu skráningar úr “nýr” í “samþykkt”, póstur verður sendur á þáttakendur þess efnis viku áður en námskeiðið hefst

Endurmenntun Háskóla Íslands