Virðismatskerfi í þágu launajafnréttis | Akureyri

Fræðsludagur um þróun og innleiðingu virðismatskerfa

Á námskeiðinu verður farið yfir ýmsa þætti sem varða hönnun, innleiðingu, notkun og viðhald virðismatskerfa með áherslu á val á matsþáttum og vægi þeirra. Farið yfir áskoranir sem fylgja innleiðingu og notkun slíkra kerfa, fjallað um aðferðafræði við gagnaöflun, starfagreiningar og mat starfa. Fjallað verður um samspil launasetningar og virðismats starfa, lagalegar kröfur til launasetningar og áhrifaþætti launamisréttis. Þá verður fjallað um aðferðafræði samstarfs og samábyrgðar aðila á ferlinu öllu. 
Námskeiðinu er ætlað að styðja við þróun heildstæðs virðismatskerfis, sem samræmist markmiðum um launajafnrétti, gæði opinberrar þjónustu og stefnumiðaðrar mannauðsstjórnunar.