Styttri vinnuvika - betri tímastjórnun - Vefnám

Styttri vinnuvika er liður í að auka starfsánægju, samræma betur starf og einkalíf og bæta líðan í starfi. Vinnutímastytting kallar á góða tímastjórnun, skipulagshæfni og forgangsröðun þar sem verkefnunum sem starfsmenn sinna fækkar yfirleitt ekki.

Á námskeiðinu fá þátttakendur innsýn í hvernig þeir verja tíma sínum í dag og læra að forgangsraða verkefnum. Farið er í mikilvægi þess að skapa tíma fyrir mikilvægustu verkefnin með góðri skipulagningu og takast á við truflanir af ýmsum toga, eins og símtöl og tölvupóstinn. Tekin eru fyrir atriði eins og algengir tímaþjófar, forgangsröðun, frestun, skipulagning og áætlanagerð.

Námskeiðið hentar öllum þeim sem vilja læra aðferðir til að stjórna tíma sínum betur.

Meðal þess sem tekið er fyrir á námskeiðinu:
Algengir tímaþjófar.
Forgangsröðun, skipulagning og áætlanagerð.
Truflanir af ýmsum toga.

Ávinningur:
Betra skipulag.
Betri forgangsröðun verkefna.
Meiri tími fyrir mikilvægustu verkefnin.

Kennsluaðferðir:
Fyrirlestur.
Umræður.
Virk þátttaka.

Námskeiðið verður í boði í fjarnámi í gegnum fjarfundakerfið Zoom sem margir þekkja í dag. Kerfið er einfalt í notkun en þátttakendur fá sendan hlekk í fundarboði sem þeir virkja þegar námskeiðið hefst. Nauðsynlegt er að hafa góða nettengingu, myndavél (nóg að hún sé innbyggð í tölvunni) og hljóðnema.  Í Zoom fjarfundakerfinu sjá þátttakendur það sem fram fer á skjánum og geta einnig séð kennara og aðra þátttakendur, tekið þátt í umræðum og spjalli.

Markmið

Að auka færni í að stjórna tíma sínum.

Að efla skipulagshæfni.

Fyrirkomulag

Fyrirlestur, umræður og virk þátttaka

Helstu upplýsingar

  • Tími
    Fimmtudagur 11. febrúar frá kl. 9:00-11:00
  • Lengd
    2 klst.
  • Umsjón
    Ingrid Kuhlman MSc í hagnýtri jákvæðri sálfræði (MAPP)
  • Staðsetning
    Vefnámskeið
  • Tegund
    Vefnámskeið
  • Verð
    Án kostnaðar
  • Markhópur
    Námskeiðið er fyrir trúnaðarmenn Sameykis
  • Tengiliður námskeiðs
    Sólborg Alda Pétursdóttir
    solborg(hjá)smennt.is

Gott að vita

Námskeiðið er aðildarfélögum Starfsmenntar að kostnaðarlausu.

Ummæli

Námskeiðið var mjög gott og Ingrid tvinnaði þetta vel saman við styttingu vinnuvikunnar.

Ingrid er afar góð í að miðla þekkingu sinni og hefur skemmtilega framsögn. Áhugaverð umræða.

Ingrid er frábær fyrirlesari og kemur öllu vel til skila. Hún fjallar alltaf um eitthvað nýtt sem maður tekur með sér.

Dagskrá

DagsetningNámsþátturKennari
11.02.2021Styttri vinnuvika-betri tímastjórnunIngrid Kuhlman