Listin að hakka fólk - sálfræði hakkarans

Bragðvísi (e. social engineering) hefur risið upp sem ein stærsta ógnin fyrir bæði einstaklinga og stofnanir. Bragðvísi snýst um hvernig hægt er að beita sálfræðilegum aðferðum til þess að plata fólk og ná fram aðgangi að jafnvel viðkvæmustu gögnum þeirra. Í þessu erindi verður farið yfir þær sálfræðilegu aðferðir sem hakkarar beita til að ná þessu fram, raunveruleg dæmi og þær aðferðir sem við getum notað til að draga úr líkum að við verðum fórnarlamb í slíkum árásum.

Hörn er með BSc gráðu í sálfræði og MSc gráðu í mannauðsstjórnun frá Háskóla Íslands. Í gegnum tíma hennar hjá Syndis hefur hún borið ýmsa hatta, en sá nýjasti er „hakkari“ þar sem hún notar þekkingu sína úr sálfræði til að framkvæma bragðvísis árásir (e. social engineering).

Fyrirlestur og spurt og svarað í lokin