Áfallamiðuð nálgun á vinnustað - Vefnám
Vilt þú geta komið fram á viðeigandi hátt við skjólstæðinga og/eða samstarfsfólk sem hafa orðið fyrir áföllum í lífinu?
Áfallamiðuð nálgun miðar að því að skapa umhverfi og aðstæður þar sem fólki finnst það örugg og ekki er ýtt undir áfallaviðbrögð.
Á námskeiðinu verður fjallað um hvað felst í nálgun þar sem ekki er ýtt undir áfallaviðbrögð og hvernig vinnustaðir geta innleitt slíka nálgun.
Umræðuþættir:
- Hvað er áfallamiðuð nálgun og hvað felst í henni?
- Hvers vegna áfallamiðuð nálgun?
- Eðli áfalla og áhrif þeirra
- Þroskun taugakerfis okkar
- Mikilvægi tengsla og félagslegra samskipta
- Hvað felst í áfallamiðaðri nálgun?
Hæfniviðmið
Að þátttakendur hafi grunnþekkingu á áhrifum áfalla og samskipta á heilsu og velferð og átti sig á algengi óunninna áfalla.
Að þátttakendur geti skilið og tekið tillit til þess hversu yfirgripsmikil áhrif áföll geta haft á upplifun, líðan og hegðun fólks.
Að þátttakendur fái í hendurnar verkfæri til að skapa umhverfi og aðstæður þar sem allir eru öruggir og ekki er ýtt undir áfallaviðbrögð.
Fyrirkomulag
Fyrirlestur og umræðurHelstu upplýsingar
- TímiÞriðjudagur 5. apríl kl. 09:00 - 12:00
- Lengd3 klst.
- UmsjónLilja Sif Þorsteinsdóttir, sálfræðingur hjá Heilshugar
- StaðsetningVefnám
- TegundFjarnám
- Verð16.500 kr. / Námskeiðið er félagsfólki aðildarfélaga og samstarfssjóða að kostnaðarlausu
- Gott að vitaNámskeiðið er að kostnaðarlausu fyrir aðildarfélaga Starfsmenntar en öllum frjálst að taka þátt gegn námskeiðisgjaldi.
- MatMæting og þátttaka
- Tengiliður námskeiðsSoffía G. Santacrocesoffia(hjá)smennt.is
Dagskrá
Dagsetning | Dagskrá | Kennari |
---|---|---|
05.04.2022 | Áfallamiðuð nálgun | Lilja Sif Þorsteinsdóttir |