Tæknisjálfstraustið

Námskeiðið er fyrir öll sem langar til að styrkja hugarfar sitt gagnvart tækni og nýjungum.

Kjarnaspurning námskeiðisins er: Hvernig þróa ég með mér vaxtarhugarfar?

Við þurfum nefnilega á því hugarfari að halda til þess að fastmótaðar hugmyndir um það hver við erum, hvað við getum, hvað við getum ekki, hverju við erum góð í og hverju léleg - geti verið brotnar upp.

Með vaxtarhugarfarinu getum við betur tileinkað okkur nýja hluti, séð á okkur nýjar hliðar, vaxið í áskorunum sem voru alltaf fjarlægar en eftirsóknarverðar.

Markmið:

• Að styrkja hugarfar sitt gagnvart tækni og nýjungum.
•  Að þróa með sér vaxtarhugarfar.
• Að brjóta upp fastmótaðar hugmyndir um það sem við getum og það sem við gerum ekki nægilega vel.
• Að þróa hæfileikann til að tileinka sér nýja hluti og sjá nýjar hliðar á hlutunum.

Eftir skráningu hjá Starfsmennt þarf að bíða eftir næsta virka degi, þá kemur póstur frá Opna Háskólanum í HR sem veitir aðgang að námssvæði námskeiðisins.

Vefnám utan rauntíma sem hægt er að nálgast hvar og hvenær sem er á námstímanum.

Skráning er opin til 3. júlí en upphafið er valfrjálst.