Hvernig bregðumst við rétt við þegar eitthvað gerist skyndilega?
Þetta námskeið gefur þér einfaldar og skýrar leiðir til að bregðast við slysum og veikindum í starfi.
Í starfi á heimilum fyrir fatlaða geta komið upp aðstæður þar sem mikilvægt er að bregðast hratt og rétt við. Þetta námskeið veitir traustan grunn í skyndihjálp með áherslu á aðstæður sem geta komið upp í daglegu starfi.
Farið er yfir helstu viðbrögð við slysum og bráðatilfellum, þar á meðal endurlífgun, hvernig bregðast á við ef eitthvað fer í öndunarveg og hvernig styðja má einstakling sem missir meðvitund eða fær flog. Sérstök áhersla er lögð á hvernig aðlaga má viðbrögð að þörfum fólks með fötlun, til dæmis einstaklinga í hjólastól.
Námskeiðið byggir á einföldum og skýrum aðferðum sem hjálpa þér að halda ró, meta aðstæður og grípa til viðeigandi aðgerða.
Að þátttakendur öðlist grunnfærni í skyndihjálp og geti brugðist við af öryggi og yfirvegun þegar slys eða veikindi koma upp.
Að efla viðbragðsöryggi í daglegu starfi.
Umræður, fyrirlestur og verklegar æfingar.
Skráðir þátttakendur eru vinsamlegast beðnir um að láta vita ef þeir sjá ekki fram á að komast á námskeiðið. Hægt er að afskrá sig á Mínar síður eða hafa samband við skrifstofu Starfsmenntar.
Án kostnaðar fyrir félagsfólk aðildarfélaga og samstarfssjóða