Á þessu námskeiði verður farið yfir helstu tjáskiptaleiðir sem notaðar eru í samskiptum við þá sem ekki ná að skilja og tjá sig nægjanlega með talmáli.
Verður m.a skoðað hvernig einfaldir hlutir geta nýst til tjáskipta og til að útbúa skipulags- og athafnatöflur. Hvernig ýmsar gerðir af myndum og táknmyndakerfum geta nýst til tjáskipta bæði á einfaldan máta og yfir í tæknileg tjáskiptahjálpartæki.
Við munum skoða mismunandi gerð og uppbyggingu á tjáskiptatöflum sem nýtast bæði sem töflur eða bækur á borði og eða í tölvu. Sérstök áhersla verður lögð á Tákn með tali og þátttakendum kennd tákn sem nýtast vel í daglegum aðstæðum.
Að gera sér grein fyrir mikilvægi tjáskipta og hve fjölbreytt og einstaklingsbundin tjáskiptin geta verið.
Að öðlast yfirsýn yfir hvaða leiðir til tjáskipta eru færar.
Að öðlast getu og áræðni til að nýta óhefðbundu tjáskiptaleiðina á uppbyggilegan hátt við mismunandi aðstæður.
Fyrirlestur, verklegar æfingar og umræður.
Skráðir þátttakendur eru vinsamlegast beðnir um að láta vita ef þeir sjá ekki fram á að komast á námskeiðið. Hægt er að afskrá sig á Mínar síður eða hafa samband við skrifstofu Starfsmenntar.
Sigrún Grendal Magnúsdóttir talmeinafræðingur og ráðgjafi um óhefðbundnar tjáskiptaleiðir
Staðnám
3 klst
Mæting og þátttaka
Ás styrktarfélag Ögurhvarfi 6, 203 Kópavogur
Án kostnaðar fyrir félagsfólk aðildarfélaga og samstarfssjóða
Aðeins ætlað starfsfólki hjá Ás styrktarfélagi