Skráning á þetta námskeið opnar þann 6. ágúst 2026 klukkan 10:00
Notar þú Microsoft 365 og hefur Copilot premium leyfi?
Á þessu námskeiði er lögð áhersla á hagnýta notkun Copilot í daglegu starfi ásamt verklegri færni og lausnum.
Námskeiðið skiptist í tvo hluta. Í fyrri hluta er lagður grunnur að því hvað Copilot er, hvernig Copilot virkar og hvernig á að byrja að nota Copilot með skilvirkum hætti í algengum verkefnum. Í seinni hlutanum er farið dýpra og ítarlegar í aðferðir, gagnlegar brellur og beinar æfingar sem hjálpa þér að ná því besta út úr Copilot.
Áhersla er lögð á verklega þjálfun og þátttakendur vinna með sína eigin tölvu í gegnum námskeiðið.
Að geta tengt Copilot við Outlook, Teams, Word, PowerPoint og Excel til að létta daglega vinnu.
Að geta skrifað skýrar kvaðningar (e. prompts) sem spara tíma og tryggja gæði.
Að geta nýtt gervigreindarfulltrúa (e. agents) og glósubækur (e. notebooks) í flóknari verkefnum.
Að geta beitt Copilot í samvinnutækjum á borð við Loop, Pages og OneNote.
Að geta notað hagnýt brögð og brellur til að auka skilvirkni í starfi.
Fyrirlestur og verklegar æfingar.
Þau sem ekki tilheyra aðildarfélögum eða eiga ekki rétt hjá samstarfssjóðum Starfsmenntar verða afskráð en geta skráð sig hjá Endurmenntun Háskóla Íslands. Sæti á námskeiðið telst ekki 100% öruggt fyrr en þátttakandi hefur fengið staðfestingarpóst frá Endurmenntun HÍ.
Skráningu lýkur tveimur virkum dögum áður en námskeið hefst
Mæting og virkni í tímum
Án kostnaðar fyrir félagsfólk aðildarfélaga og samstarfssjóða