Skráning á þetta námskeið opnar þann 4. ágúst 2026 klukkan 10:00
Námskeiðið er fyrir þau sem þurfa að eiga við og þekkja vandamál sem stafa af raka og myglu í húsum.
Á námskeiðinu verður fjallað um raka í húsnæði og myglusveppi sem iðulega fylgja viðvarandi raka í byggingarefnum.
Farið verður yfir helstu galla á byggingarfræðilegum lausnum og helstu mistök við byggingu húsa sem orsaka leka- og rakavandamál í húsum og hvernig megi koma í veg fyrir þau.
Farið verður lauslega í loftun og útreikninga á rakastreymi gegnum byggingarhluta.
Fjallað verður um byggingarraka og greiningu rakaskemmda og lífsskilyrði myglusveppa, hvar þeir þrífast og hvernig má finna þá og uppræta.
Að þekkja helstu orsakir leka í húsum og hvað veldur þeim.
Að þekkja afleiðingar raka í húsnæði í formi myglusveppa.
Að geta greint helstu gerðir myglu í húsum.
Að þekkja loftun byggingarhluta.
Fyrirlestur og verkefnavinna.
Þau sem ekki tilheyra aðildarfélögum eða eiga ekki rétt hjá samstarfssjóðum verða afskráð hjá Starfsmennt en geta skráð sig hjá Iðan Fræðslusetri
Skráningu lýkur tveimur virkum dögum áður en námskeið hefst
Án kostnaðar fyrir félagsfólk aðildarfélaga og samstarfssjóða