Fangelsismálastofnun | Erfið starfsmannamál - framhaldsnámskeið

Það eru nokkur stjórnunarleg verkefni sem flestir stjórnendur eiga í erfiðleikum með að framkvæma. Annað þeirra er að ræða ófullnægjandi frammistöðu við starfsmenn og hitt er að færa slæm tíðindi eins og þegar starfsmaður fær ekki stöðuhækkun eða er sagt upp störfum. Í vinnustofunni verður farið yfir það hvernig eigi að ræða erfið starfsmannamál og færa slæm tíðindi. Bæði verður farið yfir fræðilega umfjöllun um þessi erfiðu mál og æft hvernig best er að standa að þeim. Þátttakendur fá þjálfun í aðferðum í viðtalstækni sem skila sér í betri og uppbyggilegri viðtölum.

Meðal þess sem tekið er fyrir á námskeiðinu:
Agaviðtöl og leiðréttingarviðtöl
Einkenni slæmra tíðinda
Viðbrögð einstaklinga
Hvernig á að flytja slæm tíðindi?
Hvað ber að varast?

Vinnustofan er einungis fyrir þau sem eru sérstaklega boðuð á hana.