Eru upplýsingarnar sem þú ert að nálgast á netinu réttar, er þetta falsfrétt eða er kannski verið að svindla á þér?

Hér er á ferðinni gagnvirkt námskeið á mannamáli.

Á þessu námskeiði verður farið yfir að hverju þarf að huga þegar unnið er á netinu og lögð áhersla á að kenna skynsamlega ákvörðunartöku við notkun á tölvum og ýmsum snjalltækjum.

Fjallað verður um ólíkar öryggiskröfur sem þarf að taka tillit til út frá mismunandi aðstæðum hvers og eins.

Umfjöllunarefni: 

• Stjórnun lykilorða, góð lykilorð og fleira 
• Margþátta auðkenning (multi-factor-authentication eða MFA)
• Gagnrýnin hugsun
• Falsfréttir og hvernig meta á heimildir
• Tenglar, viðhengi, USB diskar
• Svindl, blekkingar, svik, og annað svínarí
• Ótti, óvissa, efi eða hræðsluáróður
• Hvaða fótspor við skiljum eftir á netinu og hvernig hægt er að lágmarka þau
• Góð ráð þegar kemur að persónuverndarmálum
• Hvernig gervigreind getur ógnað þér og persónuvernd þinni 

Fyrirlestur og umræður. Upptaka verður í boði fyrir skráða þátttakendur undir Kennslugögn á Mínar síður að námskeiði loknu og verður  aðgengileg í viku.