Hagnýt gervigreind, masterclass

Gervigreind er ekki lengur nýjung – hún er daglegt verkfæri sem getur gjörbreytt því hvernig við vinnum, lærum og sköpum. Á þessu yfirgripsmikla og hagnýta námskeiði færðu djúpa innsýn í notkun gervigreindar og hvernig þú getur orðið öruggur og árangursríkur notandi hennar – bæði í starfi og daglegu lífi.

Þú lærir hvernig á að beita prompt engineering (kvaðningum) markvisst á árangursríkan og skapandi hátt til að fá sem bestu niðurstöður úr gervigreindarverkfærum, hvernig má forðast helstu mistök og meta hvaða verkfæri hentar best hverju sinni.

Við vinnum með fjölbreytt og öflug verkfæri á borð við ChatGPT, Claude, Manus, Perplexity og fleiri nýstárleg öpp og kerfi sem nýtast í mismunandi tilgangi – hvort sem það er til að skrifa, skipuleggja, greina, útskýra, þýða, rannsaka eða jafnvel hanna efni af ýmsum toga. Á námskeiðinu er mörg hagnýt verkefni og dæmi sem þú vinnur með og getur svo fært beint yfir á þín eigin verkefni.

Við skoðum einnig hvernig þú getur samþætt gervigreind inn í þitt daglega vinnuflæði – hvort sem þú ert að vinna í skriflegum verkefnum, tölvupósti, kennslu, markaðsefni, hugmyndavinnu, greiningum eða ritun. Einnig verður fjallað um öryggismál og ábyrga notkun gervigreindar.

Námskeiðið er uppfært reglulega og nemendur fá mánaðarleg fréttabréf um nýjungar og þróun í gervigreindarheiminum í heilt ár eftir upphaf námskeiðs.

Þú getur hafið leikinn þegar þér hentar eftir að námskeiðið opnast 29. ágúst.

Vefnámskeið sem hægt er að stunda hvar og hvenær sem er. Á fyrsta degi veitir kennarinn þér aðgang að rafrænu netskólakerfi þar sem námsefnið er aðgengilegt. Hann er þér innan handar í gegnum tölvupóst, vefspjall eða þjónustusíma.

Nánari upplýsingar um námskeiðið fást hjá kennara í síma 788 8805 milli kl. 10 – 20 virka daga eða í gegnum netfangið kennari(hjá)nemandi.is