Sýslumenn | Er geggjað að gera?

Í nútímasamfélagi er nauðsynlegt að átta sig á daglegum áreitum í lífi okkar, geta notið þeirra eða tekist á við þau þannig að lífsgæði okkar aukist. Í álagi felast oft tækifæri til vaxtar en álagstímabil má ekki verða að lífsstíl.

Þátttakendur námskeiðsins, greina áreiti í eigin lífi og átta sig á eigin viðbrögðum við álagi. Leiðir til að forgangsraða og viðhalda jafnvægi í daglegum verkefnum jafnt sem á álagstímum eru ræddar ásamt heppilegum næringarlindum og bjargráðum á álagstímabilum.
Fjallað er um jákvæða hugsun, eigin viðhorf og lífshætti án streitu.

Efnisþættir

• Sjálfsþekking
• Sköpun tækifæra
• Einkenni álags
• Viðbrögð við álagi
• Fullkomnunarárátta
• Jákvæð hugsun og viðhorf til álags
• Álagstímabil-lífstíll