Hvernig getum við byggt upp traust, öryggi og jákvæð tengsl í daglegu starfi?

Í starfi á heimilum og sambýlum fyrir fatlaða skipta samskipti og tengsl miklu máli.

Þjónandi leiðsögn (e. Gentle Teaching) er hugmynda- og aðferðafræði sem leggur áherslu á vináttu, virðingu og öryggi í samskiptum milli starfsfólks og notenda.

Á námskeiðinu er farið yfir hvernig þessi hugmyndafræði getur stutt starfsfólk í daglegu starfi. Fjallað er um hvernig hægt er að byggja upp traust, draga úr kvíða og styðja einstaklinga til að upplifa öryggi og tilheyra. Einnig er skoðað hvernig þessi nálgun tengist mannréttindum og þeim gildum sem liggja til grundvallarþjónustu við fatlað fólk. Áhersla er lögð á raunhæf dæmi úr starfi og hvernig hægt er að nýta þessa hugsun í daglegum samskiptum og stuðningi.