Á þessu námskeiði eflir þú almenna tölvuleikni þína og kynnist Windows stýrikerfinu betur. Þú getur hafið námið þegar þér hentar með því að hafa samband við kennarann og beðið um að hann opni á aðganginn um leið og skráning hefur verið samþykkt.

Þú leysir verkefni, lærir að skilja hlutverk myndræns notendaviðmóts og hvernig gluggar eru meðhöndlaðir. Ásamt því hvernig er best að sníða kerfið að þér og þínum þörfum.

Þú kynnist skráarvinnslu, hvernig er unnið með möppur, nafninu breytt, þeim er raðað o.s.frv. Þú vinnur með einföld forrit og býrð til skrár, vistar þær og færir milli mappa, eyðir þeim og endurheimtir þær. Þú lærir að nota stjórnborðið til að móta notendaviðmótið að þínum þörfum og kynnist ýmsum algengum hjálparforritum.

Kennarinn veitir þér aðgang að rafrænu netskólakerfi. Þar skoðar þú námsefnið og leysir verkefni rafrænt. Námskeiðið stendur yfir í 3 vikur en stuðningur er veittur að því loknu. Þú hefur aðgang að námsefninu allt skólaárið.

Nánari upplýsingar um námskeiðið fást hjá kennara í síma 788 8805 milli kl. 10 – 20 virka daga eða í gegnum netfangið kennari(hjá)nemandi.is.