Trúnaðarmenn Sameykis | Vaktavinna

Á námskeiðinu verður fjallað um þann hluta kjarasamnings sem snýr sérstaklega að starfsfólki í vaktavinnu. Farið verður yfir vinnuskyldu út frá starfshlutfalli, gerð vaktskrár, lengd vakta, breytingu á vaktskrá, vaktahvata, vægi vinnustunda, vaktaálag 
yfirvinnu og stórhátíðarkaup. Skoðað verður hvernig vinnuskylda reiknast eftir styttingu vinnuvikunnar í samhengi við vetrarfrí og bætingu sem var í fyrra kerfi, m.a. með jöfnun vinnuskyldu við dagvinnufólk í huga. Þá verður einnig farið yfir reglur um hvíldartíma og frítökurétt auk orlofsútreikninga.

Markmiðið með námskeiðinu er að trúnaðarmaður:

• Þekki helstu hugtök vaktavinnukaflans. 
  
• Þekki útreikninga á vinnuskilum.
• Þekki reglur sem fjalla um gerð vaktskrár, framlagningu og breytingar á þeim.
• Þekki útreikninga á vaktahvata, álagsgreiðslum og yfirvinnu.
• Geti útskýrt breytingar sem tengjast jöfnun vinnuskila milli fólks í vaktavinnu og dagvinnu.
• Þekki reglur um hvíldartíma og orlofsútreikninga.

Fyrirlestur, fyrirspurnir og samræður