Framúrskarandi teymi

Vilt þú byggja upp öflugt og árangursríkt teymi?

Rannsóknir sýna að áhrif umhverfis eru mikil og styðja við að teymi séu framúrskarandi. Stjórnendur sem byggja upp starfsumhverfi þar sem markmiðin eru skýr og sálrænt öryggi ríkir, sjá meiri árangur.

Á þessu námskeiði fá þátttakendur innsýn inn í mikilvægi starfsumhverfisins og áhrif þess á liðsheild og samvinnu. Fjallað verður um þá þætti sem eru nauðsynlegir til þess að byggja upp umhverfi sálræns öryggis og jákvæðrar menningar.

Á námskeiðinu er fjallað um:

• Mikilvægi liðsheildar og samvinnu
• Leiðtogahæfni
• Sálrænt öryggi og samskipti
• Vinnustaðamenningu

Um lifandi kennslu er að ræða þar sem þátttakendur munu taka virkan þátt í námskeiðinu. Kennsluaðferðir eru meðal annars fyrirlestur, æfingar, dæmi og umræður.