Fagnám í umönnun fatlaðra

Markmið námsins er að auka færni og þekkingu námsmanna á aðstæðum og þörfum fatlaðs fólks til að efla lífsgæði þeirra og virkni. Í náminu er lögð áhersla á sjálfseflingu, lífsgæði og réttindi fatlaðs fólks með því að veita þeim viðeigandi þjónustu.

Námið er ætlað þeim sem starfa eða vilja starfa við umönnun fatlaðra en í því felst að vinna við þjónustu á heimilum og stofnunum fyrir fatlaða. Það getur einnig hentað þeim sem starfa í þjónustu við aldraða og sjúka og fyrir þá sem vinna með börnum og unglingum í vanda. Breyttar áherslur í starfi kalla á aukna fagmennsku og markvissa starfsþróun þannig að starfsfólk geti veitt framsækna og metnaðarfulla þjónustu.

Kennslufyrirkomulag
Á Teams í fjarnámi og í húsnæði MSS að Krossmóa 4a, 3. hæð. Kennt verður seinni part dags þrjá daga í viku í dreifnámi og einn laugardag í mánuði í staðnámi. Námið er í heildina 324 klukkustundir. 
Engin lokapróf eru en lögð er áhersla á verkefnavinnu, verklegar æfingar, hópavinnu, umræður og rökræður.

Kennt er samkvæmt námskrá Fræðslumiðstöðvar atvinnulífsins.

Mennta– og menningamálaráðuneytið hefur samþykkt að meta megi námið til allt að 16 eininga á framhaldsskólastigi.

Eingöngu félagsmenn aðildarfélaga Starfsmenntar geta skráð sig á námskeiðið.

Aðrir verða að skrá sig hjá MSS.

Námið er kennt á Teams og í húsnæði MSS.

Eingöngu félagsmenn aðildarfélaga Starfsmenntar geta skráð sig á námskeiðið.

Aðrir verða að skrá sig hjá MSS.