Á þessu námskeiði lærir þú grunninn í Photoshop. Þú getur hafið námið þegar þér hentar með því að hafa samband við kennarann og beðið um að hann opni á aðganginn um leið og skráning hefur verið samþykkt.

Þú leysir fjölbreytt verkefni þar sem þú lærir á grunnverkfæri myndvinnslu í Photoshop Elements. Þú lærir að hreinsa burt bletti og bólur af andlitsmyndum, færa eða fjarlægja fólk eða hluti af mynd, lagfæringar og litajöfnun, hvernig á að nota síur og lög ásamt því að breyta bakgrunninum. Þá lærir þú hvernig myndvinnsla er best fyrir mismunandi miðla.

Vefnámskeið sem hægt er að stunda hvar og hvenær sem er. Á fyrsta degi veitir kennarinn þér aðgang að rafrænu netskólakerfi þar sem námsefnið er aðgengilegt. Hann er þér innan handar í gegnum tölvupóst, vefspjall eða þjónustusíma.

Nánari upplýsingar um námskeiðið fást hjá kennara í síma 788 8805 milli kl. 10 – 20 virka daga eða í gegnum netfangið kennari(hjá)nemandi.is