Þjónusta við fólk með skerta sjón

Á námskeiðinu er fjallað um mismunandi sjónskerðingar og áhrif þeirra á sjónnýtingu. Hvað gefur til kynna að einstaklingur sé með skerta sjón.  

Farið verður yfir helstu hindranir sem blindir og sjónskertir einstaklingar mæta í umhverfinu og hvernig er hægt að draga úr hindrunum og bæta aðgengi. 

Einnig verður fjallað um hagnýt ráð og nálgun, leiðsögn og algengustu hjálpartæki sem nýtast blindum og sjónskertum einstaklingum. 

Stofnanir og fyrirtæki taka á móti fjölbreyttum hópi viðskiptavina. Meðal þeirra eru einstaklingar sem hafa skerta eða litla sem enga sjón og mæta oft hindrunum í daglegu lífi. Nauðsynlegt er að starfsfólk sé meðvitað um þessar helstu hindranir sem þeir mæta og þekkja leiðir til að ryðja þeim úr vegi og/ eða lágmarka þær þannig að blindir og sjónskertir viðskiptavinir njóti sömu hágæða þjónustu og aðrir viðskiptavinir. 

Námskeiðið er haldið af Starfsmennt í samstarfi við Sjónstöðina, Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu. 

Veffyrirlestur, upptaka verður aðgengileg skráðum þátttakendum í viku eftir að námskeiði lýkur.

Námskeiðið er aðildarfélögum Starfsmenntar að kostnaðarlausu en opið öðrum gegn gjaldi. Skráðir þátttakendur geta nálgast upptöku í eina viku eftir að námskeiði lýkur á "mínar síður".

Sjónstöðin, Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu