Langar þig að fá meira út úr starfsmannasamtalinu?
Starfsmannasamtal fer fram a.m.k. einu sinni á ári. Þá getur þú og þinn stjórnandi rætt um frammistöðu þína með skipulögðum hætti. Í samtalinu gæti m.a. verið rætt um verkefna- og ábyrgðarsvið, frammistöðu, líðan á vinnustað, starfsánægju, stjórnun, samskipti, markmið og annað sem þið teljið að þurfi að ræða. Í samtalinu gefst einnig færi á að greina fræðsluþarfir á komandi tímabili ásamt óskum um starfsþróun.
Í starfsmannasamtali draga stjórnandinn og starfsmaðurinn sig meðvitað út úr amstri dagsins og ræða málin í stærra samhengi. Þetta getur því verið gott tækifæri fyrir þig til að hafa áhrif á eigin starf og starfsþróun. Samtalið gerir stjórnanda kleift að vinna með þér að bættum árangri og veita frekari endurgjöf og hvatningu. Starfsmannasamtalinu er ekki ætlað að koma í stað reglulegrar endurgjafar eða umræðna um málefni líðandi stundar.
Starfsmannasamtal á að vera uppbyggilegt og opinskátt samtal. Sé það framkvæmt á faglegan hátt bætir það sambandið milli stjórnanda og starfsmannsins og er hvetjandi á báða bóga.
Að geta sýnt frumkvæði í að hafa áhrif á eigin verkefni, ábyrgðarsvið og vinnuumhverfi.
Að þekkja eigin fræðsluþarfir og geta sett fram skýrar óskir um starfsþróun og framtíðarmarkmið.
Að geta lagt mat á eigin frammistöðu, samskipti og líðan á vinnustaðnum á uppbyggilegan hátt.
Að átta sig á mikilvægi þess að taka virkan og opinskáan þátt í skipulögðum starfsmannasamtölum.
Að geta nýtt endurgjöf og hvatningu frá stjórnanda til að bæta árangur sinn í starfi.
Fyrirlestur og umræður.
Skráningu lýkur tveimur virkum dögum áður en námskeið hefst
Án kostnaðar fyrir félagsfólk aðildarfélaga og samstarfssjóða