Skráning á þetta námskeið opnar þann 4. ágúst 2026 klukkan 10:00
Vilt þú hámarka vellíðan og velgengni á þínum vinnustað?
Á þessu námskeiði færðu hagnýt verkfæri og innsýn í reynslusögur sem styrkja getu þína til að halda í mannauðinn og efla vinnustaðinn til muna.
Viðverustjórnun er lykilþáttur í nútíma mannauðsstjórnun og snýst um mun meira en eftirlit og talningu veikindadaga. Námskeiðið byggir á heildstæðri nálgun sem spannar forvarnir, markviss viðbrögð og farsæla endurkomu starfsfólks til vinnu.
Á námskeiðinu er lögð áhersla á að skilja fjarveru sem merki vanlíðunar og að kunna að nýta aðrar vísbendingar til að stíga inn í vanda áður en hann verður að krísu.
Stjórnendur læra að bregðast við fjarveru á mannlegan, skýran og faglegan hátt með aðstoð samtalstækni, greiningu á mynstrum og skýrum ferlum.
Í síðari hluta námskeiðsins mun gestur úr atvinnulífinu koma í heimsókn og deila með þátttakendum vegferð sinni við innleiðingu heildstæðrar viðverustjórnunar.
Að öðlast skýrari sýn á orsakir og mynstur fjarveru.
Að öðlast hæfni til að grípa fyrr og markvissar inn í aðstæður.
Að auka færni í samtölum um viðkvæm málefni.
Að geta byggt upp markvissari og mannlegri viðverustjórnun.
Fyrirlestur og umræður. Þátttakendur eru hvattir til að koma með dæmi úr eigin vinnuumhverfi til að vinna með á námskeiðinu. Ekki er þörf á sérstökum undirbúningi.
Þau sem ekki tilheyra aðildarfélögum eða eiga ekki rétt hjá samstarfssjóðum Starfsmenntar verða afskráð en geta skráð sig hjá Endurmenntun Háskóla Íslands. Sæti á námskeiðið telst ekki 100% öruggt fyrr en þátttakandi hefur fengið staðfestingarpóst frá Endurmenntun HÍ.
Mæting og þátttaka.
Án kostnaðar fyrir félagsfólk aðildarfélaga og samstarfssjóða