Fagnám í umönnun fatlaðra

Breyttar áherslur í starfi með fólki með fötlun kalla á aukna fagmennsku og markvissa starfsþróun þannig að starfsfólk geti veitt framsækna og metnaðarfulla þjónustu.

Námið miðar að því að auka færni og þekkingu á aðstæðum og þörfum fólks með fatlanir í því skyni að efla lífsgæði þeirra og virkni. Þar er lögð áhersla á sjálfseflingu, lífsgæði og réttindi fólks með fatlanir.

Námið er skipulagt í samræmi við námskrá Fræðslumiðstöðvar atvinnulífsins.

Námið spannar 324 klukkustundir en 164 stundir eru með leiðbeinanda og 160 stundir án leiðbeinanda (starfsreynsla/þjálfun).

Mennta- og barnamálaráðuneytið hefur samþykkt að meta megi námið til allt að 16 eininga á framhaldsskólastigi. 

Kennsla fer fram í vefnámi á Teams mánu- og miðvikudaga kl. 17.00 - 20.30. Einnig eru stoðtímar á þriðjudögum á sama tíma fyrir þá sem eru að vinna í lokaverkefni eða hafa verið að hlusta á upptökur og skila verkefni þar af leiðandi.

Einnig er staðlota einn laugardag í mánuði í húsnæði MSS að Krossmóa 4a, 230 Reykjanesbæ, 3. hæð. Staðlotan verður tekin upp fyrir þau sem ekki komast.

Eingöngu félagsmenn aðildarfélaga og samstarfssjóða Starfsmenntar geta skráð sig hér á námskeiðið.
Aðrir verða að skrá sig hjá MSS.

Miðstöð símenntunar á Suðurnesjum.