Greiðsluþátttaka

Greiðslur vegna þátttöku í námi á vegum Starfsmenntar berast með ýmsum hætti og byggja ýmist á ákvæðum kjarasamninga eða á samstarfssamningum milli Starfsmenntar og fræðslu- og símenntunarsjóða.

Ríkisstarfsfólk í aðildarfélögum BSRB
Starfsfólk ríkisstofnana sem jafnframt er félagsfólk í eftirtöldum stéttarfélögum innan BSRB á beina aðild og þar með fullan aðgang að námi og þjónustu hjá Starfsmennt þar sem samið hefur verið um greiðslur í kjarasamningum:

  • Félag flugmálastarfsmanna ríkisins
  • Félag opinberra starfsmanna á Austurlandi
  • FOSS, stéttarfélag í almannaþjónustu
  • Félag starfsmanna stjórnarráðsins
  • Kjölur - stéttarfélag starfsmanna í almannaþjónustu
  • Sameyki - stéttarfélag í almannaþjónustu
  • Starfsmannafélag Garðabæjar
  • Starfsmannafélag Hafnarfjarðar
  • Starfsmannafélag Húsavíkur
  • Starfsmannafélag Kópavogs
  • Starfsmannafélag Mosfellsbæjar
  • Starfsmannafélag Suðurnesja 
  • Starfsmannafélag Vestmannaeyja

Félagsfólk Sameykis sem starfar hjá Reykjavíkurborg eða sjálfseignarstofnunum 
Starfsfólk Reykjavíkurborgar og ýmissa sjálfseignarstofnana, sem jafnframt er félagsfólk í Sameyki, á beina aðild á grundvelli kjarasamninga og þar með fullan aðgang að námi og þjónustu hjá Starfsmennt. 

Félagsfólk bæjarstarfsmannafélaga og Starfsgreinasambandsins (SGS) 
Samið hefur verið um fullan aðgang að námi, fræðslu og annarri þjónustu á vettvangi Starfsmenntar fyrir starfsfólk ríkis og sveitarfélaga, sem jafnframt á rétt hjá eftirtöldum sjóðum:

Félagsfólk BHM með aðild að Starfsþróunarsetri háskólamanna 
Samið hefur verið um fullan aðgang að námi og fræðslu á vettvangi Starfsmenntar fyrir starfsfólk ríkis, sveitarfélaga og sjálfseignarstofnana, sem jafnframt á rétt hjá Starfsþróunarsetri háskólamanna. Greiðslurnar skerða ekki einstaklingsrétt félagsfólks. 

Við skráningu þurfa þau sem falla hér undir að fylgja þessum skrefum:

  1. Velja undir Stéttarfélag: Ekkert af neðangreindu/Annað - Vinsamlegast tilgreindu hér fyrir neðan.
  2. Í reitinn Stéttarfélag - annað á að skrá það aðildarfélag BHM sem viðkomandi tilheyrir. ATH! Ekki nægir að skrá  BHM sem stéttarfélag heldur verður að skrá nafn aðildarfélagsins (sjá listann hér fyrir neðan).
  3. Undir greiðsluupplýsingar á að haka í Ég vil fá sendan greiðsluseðil og setja kennitölu Starfsþróunarseturs sem greiðanda, kennitalan er 5006110730.

Athugið! Ef námskeiðið er á vegum Endurmenntunar HÍ eða Opna háskólans í HR verður að leita til Starfsmenntar með aðstoð við skráningu með því að senda póst á smennt@smennt.is

Aðildarfélög Starfsþróunarseturs eru:

  • Dýralæknafélag Íslands
  • Félag geislafræðinga
  • Félag háskólamenntaðra starfsmanna Stjórnarráðsins
  • Félag íslenskra listamanna í sviðslistum og kvikmyndum
  • Félag íslenskra náttúrufræðinga
  • Félag leikstjóra á Íslandi
  • Félag lífeindafræðinga
  • Félag sjúkraþjálfara
  • Félagsráðgjafafélag Íslands
  • Iðjuþjálfafélag Íslands
  • Kjarafélag viðskipta- og hagfræðinga
  • Ljósmæðrafélag Íslands
  • Prestafélag Íslands
  • Sálfræðingafélag Íslands
  • Stéttarfélag lögfræðinga
  • Viska (áður Fræðagarður, Stéttarfélag bókasafns- og upplýsingafræðinga og Félag íslenskra félagsvísindamanna)
  • Þroskaþjálfafélag Íslands

Félagsfólk í Sameyki í fæðingarorlofi og atvinnulausir
Starfsfólk í fæðingarorlofi og þau sem fá greiddar atvinnuleysisbætur þurfa að greiða fyrir þátttöku í námi að undanskildu ríkisstarfsfólki og félagsfólki í Sameyki (áður SFR) .

Nánari upplýsingar um rétt til náms og þjónustu er í vissum tilvikum hægt að fá á „Mínum síðum“ eða með því að hafa samband.