.png?proc=pageImage)
Ráðgjafi að láni
Ráðgjafi að láni er þjónusta sem Starfsmennt býður stofnunum og getur hún verið þeim að kostnaðarlausu.
Ráðgjafi að láni aðstoðar við greina hvaða hæfni þarf til að vinna verkefni stofnunar og hvaða fræðsla er nauðsynlegt til að tryggja að rétt hæfni sé til staðar innan stofnunarinnar.
Ráðgjafi að láni aðstoðar einnig við að setja upp áætlun um fræðslu og þjálfun fyrir starfsfólkið og að koma henni í framkvæmd með því að halda utan um skráningar og benda á hentuga kennara.
Virk starfsþróunaráætlun er lykill stofnunar að því að viðhalda hæfni starfsfólks þannig að það geti brugðist við breytingum í umhverfi sínu og veitt afburða opinbera þjónustu.
Dæmi um afurðir vinnu með Ráðgjafa að láni eru
- Skýr mynd af hæfnikröfum starfa
- Skýr mynd af fræðsluþörfum starfsfólks
- Fræðslu- og starfsþróunaráætlun
- Utanumhald um námskeið og aðra fræðslu - halda takti í fræðslumálunum
Geta allar stofnanir óskað eftir Ráðgjafa að láni?
Starfsmennt er samstarf fjármála- og efnahagsráðuneytisins og flestra stéttarfélaga í BSRB um starfstengda símenntun og fræðslu. Í ársbyrjun 2022 gerðist Reykjavíkurborg aðili að Starfsmennt vegna starfsfólks sem er félagsfólk í Sameyki.
Í þeim tilvikum, sem starfsfólk er félagsfólk í einhverju af aðildarfélögum Starfsmenntar, þá er þjónustan stofnun og starfsfólki að kostnaðarlausu. Hvað aðra starfsmenn varðar, þá aðstoðar Starfsmennt stofnanir við að finna hugsanlegar fjármögnunarleiðir m.a. hjá starfsmenntasjóðum. Stofnun ber þó alltaf ábyrgð á styrkumsókn í aðra sjóði.
Við upphaf verkefnis er farið yfir eftirfarandi atriði:
- Hvert er markmið verkefnisins og hverju á það að skila stofnuninni og starfsfólki hennar?
- Hver er tímaramminn?
- Hvernig skiptist fjármögnunin eftir stéttarfélagsaðild starfsfólks?
- Hver er tengiliður verkefnisins?
- Hvernig verður eftirfylgni háttað?
Gerður er samningur um hvert verkefni fyrir sig þar sem áætluð afurð, verktími og kostnaður eru tilgreind.