BVV - Að takast á við breytingar/Að innleiða breytingar - Vefnám. 04. feb. kl. 09:00-12:00.
Námskeið um Betri vinnutíma í vaktavinnu (BVV) eru ætluð þeim sem koma að innleiðingunni svo sem stjórnendum, vaktasmiðum og launafulltrúum hjá ríkisstofunum, Reykjavíkurborg og öðrum sveitarfélögum.
Örar breytingar eru hluti af nútíma vinnuumhverfi og því mikilvægt að geta tekist á við þær með jákvæðum hætti. Farið er yfir mikilvæga færniþætti starfsmanna í atvinnulífi á 21. öldinni, hvernig þeir tengjast starfsánægju og hæfni til að takast á við breytingar. Námskeiðið er ætlað þeim sem standa frammi fyrir breytingum, eru í breytingaferli, að innleiða breytingar eða takast á við eftirmála breytinga. Unnið er með þætti eins og viðmót og eigin túlkun. Tækifæri geta falist í breytingum og jákvætt viðhorf gagnvart þeim falið í sér nýja og spennandi möguleika. Farið er yfir hagnýta lista fyrir stjórnendur varðandi mikilvæga þætti við innleiðingu breytinga og einnig hvað ber að varast við innleiðingu breytinga. Einnig helstu atriði sem æskilegt er fyrir starfsmann að tileinka sér þegar breytingar eru á vinnustað.
Námskeiðið verður í boði í fjarnámi í gegnum fjarfundakerfið Zoom. Þátttakendur fá sendan hlekk í fundarboði sem þeir virkja þegar námskeiðið hefst. Nauðsynlegt er að hafa góða nettengingu, myndavél (nóg að hún sé innbyggð í tölvunni) og hljóðnema. Í Zoom fjarfundakerfinu sjá þátttakendur það sem fram fer á skjánum og geta einnig séð kennara og aðra þátttakendur, tekið þátt í umræðum og spjalli.
Hæfniviðmið
Að skilja og þekkja ferli breytinga
Að þekkja aðferðir og leiðir til að takast á við breytingar
Að átta sig á lykilatriðum stjórnenda í breytingaferli og við innleiðingu breytinga
Að geta valið og hagnýtt þau verkfæri sem kynnt eru til að takast á við breytingar
Að tileinka sér jákvætt viðhorf vaxtar og tækifæri gagnvart breytingum á vinnustað
Helstu upplýsingar
- TímiFimmtudagur 4. febrúar kl. 09:00 - 12:00
- Lengd3 klst.
- UmsjónSigríður Hulda Jónsdóttir, MA náms- og starfsráðgjöf og MBA stjórnun og viðskiptum frá Háskóla Íslands. Eigandi SHJ ráðgjafar.
- StaðsetningVefnám
- TegundFjarnám
- VerðÁn kostnaðar / Námskeiðið er félagsfólki aðildarfélaga og samstarfssjóða að kostnaðarlausu
- MarkhópurStjórnendur og starfsmenn í vaktavinnu hjá stofnunum ríkis, Reykjavíkurborgar og sveitarfélaga
- Gott að vitaEf þátttakandi getur ekki tekið þátt í námskeiði sem hann hefur skráð sig á, verður viðkomandi að afskrá sig á „mínum síðum“, þar sem aðeins er hægt að skrá sig einu sinni á hvert námskeið.
- MatMæting og virkni á námskeiði
- Tengiliður námskeiðsSoffía G. Santacrocesmennt(hjá)smennt.is
Dagskrá
Dagsetning | Dagskrá | Kennari |
---|---|---|
04.02.2021 | Að takast á við breytingar/Að innleiða breytingar | Sigríður Hulda Jónsdóttir |