Menningarnæmi í heilbrigðisþjónustu

Námskeiðinu er ætlað að veita nemendum skilning á helstu hugtökum í menningarnæmri heilbrigðisþjónustu og færni til að beita þeirri þekkingu á vettvangi. Farið verður í hugtök sem tengjast forréttindum, stétt, stofnanatengdu ofbeldi, jaðarsetningu af ýmsum toga og hnattvæðingu.

Á námskeiðinu er rýnt í hinar ýmsu kenningar um menningarnæmi í heilbrigðisþjónustu og áhrif jaðarsetningar á heilsu fólks. Skoðað er hvaða hópar eru jaðarsettir í samfélaginu og rannsóknir sem sýna hvernig sú jaðarsetning hefur áhrif á þá heilbrigðisþjónustu sem hóparnir geta sótt sér. Farið er yfir hvernig best er að mæta jaðarsettum hópum og veita þeim menningarnæma heilbrigðisþjónustu og sérstaklega rýnt í heilbrigðisþjónustu við tvo jaðarsetta hópa; annars vegar hinsegin fólk og hins vegar fólk af erlendum uppruna, s.s. umsækjendur um alþjóðlega vernd. Að lokum er fjallað um í hverju það felst að vera málsvari jaðarsettra hópa í heilbrigðiskerfinu og hvernig er hægt að gera það án forræðishyggju.

Á námskeiðinu er fjallað um

• Jaðarsetningu, margþætta jaðarsetningu og heilbrigðisþjónustu.
• Menningarnæma heilbrigðisþjónustu.
• Hinsegin heilbrigðisþjónustu.
• Heilbrigðisþjónustu umsækjenda um alþjóðlega vernd.

Fyrirlestrar og umræður.

Eingöngu félagsfólk aðildarfélaga Starfsmenntar getur skráð sig hér á námskeiðið. Félagsfólk BHM með aðild að Starfsþróunarsetri háskólamanna sem hyggst skrá sig á þetta námskeið verður að hafa samband við Starfsmennt. Aðrir skrá sig hjá Endurmenntun Háskóla Íslands. Sæti á námskeiðið telst ekki 100% öruggt fyrr en Starfsmennt hefur breytt stöðu skráningar úr ,,nýr” í ,,samþykkt.” Póstur verður sendur á þátttakendur þess efnis áður en námskeiðið hefst.

Endurmenntun Háskóla Íslands